Trump “US himnak/khamhnak caah Pathian a zum mi kan si” A bia chim mi cu Democrat pawl caah ningzah tak tak a si cang

Trump bia chim mi cu zumtu caah cun a sunglawi tak tak. Mah bantuk in a rian ttuan mi le a thil tuah mi kip ah Pathian a zum caah, media le left pawl nih ceilak in an soisel le phomh zong ah tu tiang an tei khawhlonak cu si lai tiah mi tampi nih an ti cang

Mah Chinpage ah hin nifatin US thawngpang 4/5 ka ttial peng caah, US thawngpang rel na duh ah cun mah Chinpage hi like/follow vun tuah law, ni fatin US thawngpang 4/5 na rel khawh peng lai tinak a si

President thimna cu a linsa ngai cang. Fakpi in a nih phomh thluamah cang. Debate caan le ni an suai cia mi zong Democrat lei nih cun cancelled dih an cuh cang. Bia le hla a tam ngai. Natein debate ni le caan an suai ciami an cancelled ah cun Democrat pawl an mualpho lai caah an ngam tak tak lai maw ti cu tu tiang a fiang rih lo

Trump nih a chim mi cu, Democrat pawl nih election ah teinak an hmuh khawhnak ding caah fakpi in an nih zuam lio a si. Democrat pawl an duh bik mi cu President an si ah cun zahpi duhnak kha pumpak duhnak nakin a biapi deuh caah America ram hi Socialist in kan ser lai an ti.

America ram chungah mipi an zalawng ning hi an hmuh thiam lo. America muinak lawngte an hmuh tiah Trump nih a soisel hna. An chim ning ah cun nawlngeinak cu an mah pawl kutah nan pek hnuah zalawngtein nan um lai ti bantuk in bia an chim.

Mah bantuk pawl hna hi ka huat tak tak mi a si. Natein US ah hin Politician pawl thawnging khamhnak/luatnak hi kan hmuh lo, US ram serthan ding in Cozah ah a si lo, kan mah cu Pathian a bohchan mi le Pathian a zum mi, Pathian lawng nih US hi a khamh (luatnak a pek) khawh tiah a zum mi kan ti tiin a chim

Joe Biden nih hma banh khawh a simi (vulnerable) mi cu ka zaangfah hna tiah a chim, natein hngakchia nu pum chungah a um mi hna cu a zaanfah nak a ngei tthan lo, nauhrawh a duh tthan hoi.  Democrat pawl nih ziazatha (moral) kan duh tiin fakpi in an chim, natein nu chungah um mi hngakchia hna cu tha an duh tthan hoi.

Democrat pawl nih nu pumchungah hngakchia sualnak a ngei lo mi hna cu tha an duh lio ah, ziazatha le America damnak caah  tiah fakpi in an uapi tthan hoi. Nan sin ah ka chim duh mi cu, a chuak ri lo mi le a chuak cang mi hngakchia zong hi Pathian nih “right to life” nun ve ding in a siang mi minung a si, tiin Democrat pawl hna cu ceilak in a phomh hna. Credit- Christianheadline

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Trump “US himnak/khamhnak caah Pathian a zum mi kan si” A bia chim mi cu Democrat pawl caah ningzah tak tak a si cang"

Leave a comment

Your email address will not be published.


*