Ttih nun chin lengmang cang ruah; Vawleicungah mithiam le ttih nun bik NSA, CIA le Defense Intelligence Agency nih China cungah thil an tuah ding mi cu

President Trump nih nawl a pek cang hna, vawleicung a buai chinchin lai maw zeitindah a um lai ti cu ram kip nih an zoh cang. President Trump nih nithum ni ah Coronavirus kong a chim mi, Beijing coverup ah US nih dantatnak China cungah a kalpi cang lai “will be taking strong action against China” tiin  fiangtein a chim cang.

Trump nih Coronavirus ruangah US economic nih a tuartuk mi cu China nih a rul khawhnak ding caah lam a kawl ve cang : Reccomendation fiangtein kan ngei, China ram chungin recommendation kan hmuh ah hin zeihman thil tha hmuh ding a um lo tiin Oval Ofiice meeting Lousiana Governor John Bel Edwards, Democrat pa he meeting an tuah lio ah a chim

January thla dawng lei ah China ram in USA ah a ra mi china mi hna cu USA ram chungah lu a siang ti lo kha kha Trump nih thil thatuk mi a si, WHO hi china nih a chim ning bantuk in, a hman mi a si maw si lo zeihman dothlatnak tuah hmasa lo in China bia bantuk in a tuah lengmang caah thil zeipoah kan tlaih dih cang tiah President Trump nih a chim hnuah. Nithum nih ah The White House nih cun China nih coronavirus kong ah biak dik a thup maw? ti dothlatnak tuah ding in intelligence investigation tuah ding in NSA, CIA le The defense Intelligence Agency hna cu nawlngeinak a pek hna

President Trump : Investigation hi NSA, CIA & the Defense Intelligence Agency pawl nih hma an lak cang lai. WHO ah tangka a pek tambik kan natein bia hman le dik cu langter a si lo, natein thil zeipaoh kan theih dih cang. Thil dik a si mi kha chim lo in thup an nih tim, zia mah bantuk in thil an thup khawh, atu an chimning lo in thil a sining vialte kan thei dih ko ttung.

Zia mah bantuk thil vialte hi USA sin ah an kan chim duh lo. Ka hmuh ning ah cun China an ttih ruangah a si. Ralrin tein an thil tuah ning hi dothlatnak kan tuah peng. Kum tampi cu WHO sin ah bawmhnak tangka $500 million kan pek tawn hna. $400-$500 kum fatin kan pek tawn. China nih $38 million lawng a pek, mah bantuk in WHO caah tangka kan pek ko nain WHO nih China caa rian fakpi a rak ttuan tawn. Source- Oval Office

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve caah thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi le ka source hna hi a dang ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zong ah ralrin tein ka source ka zohnak ding caah a si lai i cun thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Ttih nun chin lengmang cang ruah; Vawleicungah mithiam le ttih nun bik NSA, CIA le Defense Intelligence Agency nih China cungah thil an tuah ding mi cu"

Leave a comment

Your email address will not be published.


*