Tu lio thawngpang lar ngai mi hmangthlak kawng ah President Trump fanu Ivanka Trump zon a sum kho ti lo i a holh ve cang

Hmangthlak le an thawnngpang nih vawlei cung a nghinh bak mi, mi tampi nih an cei ngai mi le khuaruahhar ngai mi pakhat cu India ram ah a tlung. Bihar nunga pakhat kum 15 Jyoti Kumari nih cun apa hma fakpi in a hmuh mi cu cycle hnungah a cit ter i an khua km 1200 ah hla, ni 7 cycle in kal a her mi khua a phan pi. Mah thawngpang nih vawlei cung ramkip a nghinh. A pa cycle in a phur lio mi hmangthlak cu social media ah post a si.

Mah hmangthlak social media ha an post mi cu US President Donald Trump fanu Ivanka Trump zong nih a rak hmuh ve i. Twitter ah share a tuah, mah nu Kumari a uar ning a vung langter. Twitter share ah caption (atlangtar) ah ” Kum 15 nu, Joyti Kumari nih cun apa hmah a hmuh mi cu km 12000 hla cycle in  a kalpi in, ni 7 bak a pa cu aphur. Mah hi dawtnak sunglawi tuk mi le ngantuk mi cu a si” tiin Twitter ah Kumari a thangthat ning le a uar ning a vun chim

Mah nu kumari nih apa mah bantuk in km 1200 hla cycle in a phur mi cu mi tampi nih an uar tuk i, Cycling Federation nih cun thlathar ah Kumari hmuh an duh ning an vun langter cawlh i, Cycling federation nih tampi an bawmh lai tiah zum a si. Source- Hindustantimes. Indiatoday

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Tu lio thawngpang lar ngai mi hmangthlak kawng ah President Trump fanu Ivanka Trump zon a sum kho ti lo i a holh ve cang"

Leave a comment

Your email address will not be published.


*