Tu lio thawngpang lar ngai mi pakhat, Phungki pa nih a darling, nau apawiter i a tha mi kong

Phungki pa nih a darling nu, nau apawi ter mi cu namtein thilak in a vih; Aruang. Phungki pakhat a si ve mi, an pathian caah rian a ttuan lio mi nih mah bantuk in nu pakhat, darling a ngei i, nau apawiter hnuah a that mi cu tu lio  thawngpang lar ngai mi pakhat a si ve. Mah bantuk in nu cungah thil thalo a tuah hlei ah, a that caah nu pawl an lung a fak ngai tiah source nih a chim.

Nu pakhat, Phungki he darling a si mi cu, a darling phungki pa nih Buriram ah a that tia thei a si. Source nih a chim ning ah cun nu nih mah phungki pa hi mualphoter a tim caah phungki pa nih a that tiah a chim

Khu meng District, Hin Lek Fai palik Station Deputy Investigation Chief, Pol Capt Surijya Leenuwat nih a chim ning ah cun mah bantuk in phungki pa nih a darling nu nam in a vih nak hmun hi Ban Mai Charoensuk lampi pawngah Tambom Tum Yai ah a si ttin a chim

Mah bantuk in Phungki pa nih a darling nu namtein a vih lio ah mit a hmuhtu nih a chim ning ah cun, mah phungki pa, Phra Um Deeruenrom kum 56 a si lio mi, Wat Ban Nong Bua, Tambon Tum Yaia ah pathian rian ttuan in a um mi nih hin motor car a mawng i, a hmaah pick up a rah mi cu ceilak a suk tiah a chim

Mah pickup mawngtu hi Tambon Administration Organisation (TAO) member a si lio mi a si. A darling nu Lamkai kum 36 a si lio mi cu Pick Up in a vun chuak i, a tlih, Phungki pa nih a dawi i, a darling nu cu a hnunglei in ceilak in nam in a vih. A vih hnu tlawmpal ah a darling nu cu a hmun ah a thi cawlh tiah source nih a chim

A darling nu nih hin phungki pa hi voitampi tangka a hal tawn, cun an kawnglam hi midang sin ah ka chim lai tiah voitam pi a tihphai tawn tiah thei a si, mah ruangah phungki pa nih a celh ti lo caah a thanak ruangah a si lai tiah zum a si.Mah hi Thailang ah atlung mi asi. Credit- Theworldnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor