Tu Lio US thawngpang a linsa ngai mi pawl hna; Democrat sual ning hi cu

US Presidential race a linsa tuk cang,  ni fatin US thawngpang 4/5 ka ttial peng caah, US thawngpang thar bik mi poah na rel duh ah cun like/follow vun tuah law, ni fatin US thawngpang 4/5 na rel khawh peng lai tinak a si.

Democrats khua California, New York City hna cu nungkhuai (tax) a sang tuk caah le misual an karh thluamah caah mi tampi caah tih a nung tuk cang caah, le um ngam ding a si ti lo caah company nganpi nih an chuahtak thluamah lio a si

New York City Police Association nih an rak ttuah bal lo mi cu voihkhatnak ding caah President Candidate an dirkam mi an phuan cang. Palik nih President caah an duh tthan mi cu Donald Trump hi a si. Mah bantuk in Democrat khua tiah thei mi, New York palik nih Trump an vun dirpi mi cu Democrat pawl caah mangchia tak tak a si i, Democrat pawl nih palik hna cu fakpi in an soisel than hna

Cun mirang hngakchia kum 5 a si lio mi cu, a u le he lampi ah lentecelh an tuah lio mi cu, minak pa nih a va kal hnawh i, meithal in thih lak in a kah. Conservative hna cu mah kongah an thin hun tak tak i, minak cungah atlung mi si seh, US ram chung ah buainak fakpi a chuak hoi cang lai

Mah kongah hin US mainstream media pawl nih zeihman an chim duh lo i, thil si ning zong an phuan duh lo. Black Lives Matter pawl nih an Member hna cu thil fir lengmang ding in an ti hna, Kum saupi miran pawl nih sal bantuk in an rak hmang mi ruangah, phuhlamnak tuah i, mirang pawl hna thil cu firpiak lengmang ding in ca hna

Tu lio thawngpang a linsa ngai mi le mipi nih an cei ngai mi pakhat cu, President hlun Barack Obama nih Joe Biden a zum lo ning kong hi a si. Jeo Biden cu President hlun, Barack Obama nih Democrats Presidential Candidate si i Trump a khawh lai lo tiah Joe a zum lo ning a chim mi, a leaked-out/zut mi kong hi a si. Credit-Foxnews & Washingtonpost

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Tu Lio US thawngpang a linsa ngai mi pawl hna; Democrat sual ning hi cu"

Leave a comment

Your email address will not be published.


*