Tu lio US thawngpang a linsa tuk mi Mawtaw ke/tyre sertu le Trump kong; Pasal

US President November 3  ah thim a si lai, Tu hi  Campaign an tuah thluamah lio a si. Democrat pawl nih Presidential Candidate cu Convention/khawmpi ah fehternak an tuah cang. Mah khawmpi hi US mi tampi nih Trump soiselnak khawmpi tiah an au piak hna. Democrat pawl zong nikhat ni/Monday in Convention an thawk ve cang lai. Mah convention ah hin Trump cu Presidential candidate ding in fehternak an tuah ve lai

Mah Chinpage ah hin ni fatin US thawngpang 4/5 ka ttial peng caah, US thawngpang na rel duh ah cun mah Chinpage hi like/follow vun tuah law, ni fatin US thawngpang a thar mi poah 4/5 na rel khawh peng lai tinak a si

Tu lio US thawngpang a lar ngai mi le a linsa ngai mi pakhat cu Trump le mawtaw ke/tyre sertu company GoodYear hi an si. Mah mawtaw ke sertu GoodYear nih Trump cu fakpi in an doh i an soisel. Trump President a si lo nak ding caah lam a sertu pakhat an si ve

Mah mawtaw ke/Motor Tire/ sertu, US ah a alar ngai mi GoodYear nih Donald Trump cu fakpi in an doh, An company ah rian ttuantu poh cu Trump luchin MAGA maw US palik/Police an dirpinak ca ttial mi poah cu an nih hrut/chin ding a si lo tiah nawl an chua lio ah Black Lives Matter support na, LGBT le Palik soiselnak le dohnak lei poah cu i hrut le i chin khawh a si tiah biakhianak an tuah

Mah bantuk in Trump doh i, Black lives matter, LGBT dirkam i, palik le Trump dohnak an siang lo mi ruangah rian ttuantu hna cu an lung a fak ngai i, an rian ttuannak company cu fakpi in an soisel. Mah kong hi tu lio US ah thawngpang a linsa tak tak mi a si

Mah bantuk in Company nih Donald Trump le Palik an doh ruangah Trump zong a um sawh sawh lo i, US mipi sin ah mah bantuk fih nung ngai in thil a tuah mi  GoodYear motor Tire cu “cawk ti hlah u” tiin fakpi in a au pi ve. Mah bantuk Trump nih bia a vun chim hnuah, Silent majority pawl nih Trump chim ning bantuk in GoodYear nih a ser mi mawtaw ke/tyre cu an cawk duh ti lo

Trump nih GoodYear mawtaw ke cu cawk ti hla u a ti hnu tlawmpal ah, GoodYear share cu  5.86% nakin tam deuh  a tla. Cun GoodYear company he a ral ngai mi Bridgestone share cu 1.42% ah a kai cawlh.

Tu lio US state chungah buainak, i thanak le thil thalo chim cawlh lo a tlung nak State hna hi Democrat party pawl ngawlngeinak tangah um mi lawngte a si, Cun Trump tangah Operation Legend kalpi lio a si i, Operation Legend ah hin minung 1500 an tlaih cang hna i, mah bantuk an tlaih mi minung ah hin 90 hna cu mi tha a hmang mi an si.

Cun Federal Commit charge minung 220 an phan cang. Cun Donald Trump cu diklo ngai in le lih le hrokhawl ngai in a thangchiat tawntu EX FBI rian ttuantu cu Court hmaiah Trump cungah kan tuah mi hi a diklo mi lawngte a si/Guilty a si ti a chim cang.

US President nih an rak tuah duh lo mi Trump nih nu pakhat, President thimnak ah vote a thlak hmasa bik nu, an tlaih i thawnginn ah an chia. Trump nih a ngaithiam (Mah kong hi ka vun ttial lai. mah Chingpage ah hin rel khawh ding in um lai. Na rel duh ah cun Chinpage hi like/follow vun tuah law fawitein na rel khawh lai) Credit- Foxnews

(Na ca ttialmi a sautuk tiah comment tampi ah a um i, News puitling ngai mi hi cu tawite in ttial khawh a si lo caah a reltu vialte nan ka thei thiam lai tiah zaangfah kan nawl hna)

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Tu lio US thawngpang a linsa tuk mi Mawtaw ke/tyre sertu le Trump kong; Pasal"

Leave a comment

Your email address will not be published.


*