Tu lio USA ah thawngpang lar tuk mi ‘Trump nih Twitter ah a ttial mi’

Conservative Judges pawl an mualpho bak cang. Trump le Republican pawl an holh ve cang. US Supreme Court ah Conservative an tam deu bu in Setan pawl nih teinak an hmuh lengmang caah President Trump le Republican pawl an lung a fak tuk cang i, daitein an um khoh ti lo, an holh ve cang.

President Trump nih Twitter ah mah ti hin a ttial. “Supreme Court nih hin an ka huat ti na zum maw? tiah a ttial mi cu tu lio USA mipi nih an cei ngai mi pakhat a si

Mah bantuk in US supreme Court Judges si khawhnak ding caah Republican Senators pawl nih an cohlan mi Conservative Judge nih Liberal pawl duhning bantuk in biakhianak an tuah caah Republican Senators pawl an thin hun tuk cang i,

President Trump nih kum 2020, November ni (3) Presidential election cu apawimawh tuk hrinhrang tiah a lungfak ning zong a chim. Supreme Court ah Conservative lei ah thazang a pek mi ka ruat than lai, cucaah kum 2020 Election ah teinak ka ngei hrim a her tiin a chim

Pathian duh ning bantuk in si lo in politik bantuk in biakhianak thalotuk mi Supreme Court nih a tuah mi cu Conservative le republican pawl caah cun hmaiah meithal kah bantuk a si. Supreme Court ah Justice (Judges) kan ngei chap a her. Cu ti si lo ah cun  2nd Amendment le thil zeipoah hi kan sung dih cang lai. Trump 2020 Vote ding’ tiin President Trump nih a chim. Credit- Twitter

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Tu lio USA ah thawngpang lar tuk mi ‘Trump nih Twitter ah a ttial mi’"

Leave a comment

Your email address will not be published.


*