Tu lio USA buainak ah President Trump caah thawngpang tha tuk mi: Pathian nih Trump mualpho ah um hi a duh bak lo ti a fiang

Tu tan USA buainak ah President Trump cu a mualpho bak lai tiah mi tampi nih an zum, natein an zum ning bantuk in pakhat hman a si lo. Mah bantuk in thil a cang mi le a thli in thil thalo a tuahtu an rak tamtuk ruangah a si. President Trump hi Pathian a bohchan tuk mi a si caah Democrat pawl an thil tuah mi le an saduhtha mi cu ningzahnak le mualphonak bak si cang ko

Tu an USA thil cangmi nih Coronavirus ee, rus lo ee, an thei ti lo. George Floyd buainak ruangah an tih ngai mi Coronavirus cu an phih dih. Mah thil a tlung mi hi Democrat lei nih caan tha a i lak in President Trump dohnak ding caah an hmang

Yahoo News/YouGov poll thar bik ah American 52% nih RACIST an ti, 37% lawng nih racist a si lo an ti. Democrats, black& Latino Americans pawl nih Racist an ti natein Republicans pawl nih Trump cu an duh chin chin lengmang. Republicans 13% lawng nih Racist an ti. Democrats, Sen. Ed Markey, nih cun Twitter ah President Trump “Racist Scum” tiin fakpi in a phomh.

Democrats survey ah 86% nih Racist an ti, Republicans ah 82% nih Racist a si lo an ti. Mi tampi zumnak ah cun Republicans ah hin President Trump nih 60 leng a score an zum lo, natein 82% nih an dirpi mi an hmuh tikah mak an ti ngai i, President Trump an duh ngai ti a fiang ngai. Independent ah 56% nih Racist an ti. The Yahoo News/YouGov nih May 29 – May 30 a polls an tuah mi a si. Source-Yahoo News/YouGov

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "Tu lio USA buainak ah President Trump caah thawngpang tha tuk mi: Pathian nih Trump mualpho ah um hi a duh bak lo ti a fiang"

Leave a comment

Your email address will not be published.


*