U.K PM Boris Johnson dirhmun a tha ti lo. A Darling fa pawi lio mi zong Coronavirus postive a si

United Kingdom Prime Minister Pu Boris Johnson dirhmun cu a tha lo ngai cang. A dirhmun lungrethei ngai a si cang. PM Boris Johnson hi March thla dih lei ah C-19 a chonh ti theih a si i. Ni 10 inn lei ah a zohkhen hnuah PM a si ning bantuk in a her mi vialte cu inn in rian a ttuan peng. Natein Zarpi ni ah khan a dirhmun a chia chin lengmang caah Siizung ah kalpi a si. Thomas Hopistal ah a rang nak in chia cawlh a si.

Intensive Care Unit (ICU) ah zohkhen lio a si. Adarling Pi Carrie Symonds zong coronavirus a chonh ve hi, amah hi nau apawi lio a si, atu hi inn ah thatein a zohkhen lio a si.

Hakha khuachung COVID-19 i runvennak Hakha COVID-19 Response Committee an ser….. Hakha khuachung ah COVID-19 runvennak ah tiin Biaknak le Zaatlang Phu hna nih Hakha COVID-19 Response Committee an ser, tiah kan theih.

Hi Committee ah aa tel mi hna cu; Hakha Baptist Association (HBA), Chin Women Organization (CWO), Hakha Christian Minister Fellowship (HCMF), Hakha Township Youth Affairs Committee (HTYAC), Hakha Youths For Paletwa IDPs (HYP), The Hakha Post, Hakha Rescues Committee, Hakha sii-inn, Hakha Rual-U, Hakha CYO, Youth Conner, Hakha University Students’ Organization, Hakha Khuanu Khuapa le upa dangdang an si, tiah kan theih.

“2020 April 2 ah Hakha Khuanu Khuapa hruaitu upa, Hakha mino hruaitu upa, Hakha i CSOs network in hruaitu hna, Sianghleiruun Siangakchia hruaitu upa hna le Biaknaklei hruaitu upa hna telh in Hakha Covid-19 Response Committee cu dirh a si. Hakha khuapi sii-inn hi COVID-19 kan ton ah Chin Ramkulh chung in COVID-19 in a zaw mi mizaw thlopnak ah chiah mi center a si. Mizapi nih fak deuh in kan zuanhnawh a herh. Hi Committee hi a hlankan te hmanh in rak i tuah ding a si nain, atu kan tuah zong ah a tlai tuk rih lo. Ramchung ramleng mizapi nih biatak tein i dirkamh hna usih,” tiah Committee Lutlai Secretary le Spokesperson Dr. Biak Cung Lian nih  ah a chim.

Cun, “Atu kan sining zoh ah Hakha zong hi tuah lo piin Lockdown an tuah khawh a si. Lockdown tuah a si sual ahcun mizapi ca ah rian tampi tuan kan hau te lai. Cu a si ca ah papek in rian a tuantu ding mino zong kan herh taktak, rak kan telpi hram uh. COVID-19 kong he pehtlai in ram rum pipi hmanh an i teng thluahmah cang. Kannih Myanmar ram chinchin cu chengpalang ah a tla kho ding khi kan si. Cucaah, mizapi kut samh in tuanti ko hna usih,” tiah a chimchap. Hi committee chung ah committee chungtel minung 15 an i tel i, hi committee chung in sub-committee zong minung zeimawzat an i tel tiah kan theih.

Be the first to comment on "U.K PM Boris Johnson dirhmun a tha ti lo. A Darling fa pawi lio mi zong Coronavirus postive a si"

Leave a comment

Your email address will not be published.


*