Uar a um tuk hrinhrang. Dr. Sa Sa nih a ran khawh chung in Chinmi caah inn a sak lio. A lungthlitum hi uar um tuk hrinhrang

Kan vawlei thawngpang thei mi hna hi thawngpang thalo lawngte a si caah ralrin tein um kha atu kan dirhmun ah cun a tha bik mi a si. Mah bantuk caan chia lio ah ralrin tein kan um lo ah cun kan cungah a phan sual ah cun kan buaituk ding mi a si caah Dr. Sa Sa nih mah bantuk lungput ngei in timtuahnak a rak ngei cia mi hi uar um tuk hrinhrang

Lailenpi ah HHM Accommodation Block Building Construction cu a ran khawchungin sak lio a si. Ara dingmi zar ah cun brick vialte rem dih ding in timtuahnak an ngei lio a si. Atu zawknak nih Chinram a buaiter ngai ve caah a her ah cun mah inn hi Coronavirus zawtnak a ngei mi zohkhennak caah zongah kan hmang ko lai tiah Dr. Sa Sa nih a chim

Mah lawng cu si loin atu AA le kawl ralkap pawl idoh ruangah buainak her harnak a tawn thluamah mi cong kan lungah an um peng, mi tampi cu an umnak khua le inn kaltak in hmun dangah i thial ding in an kal thluamah cang. Kan lungput ah a um peng i, thlacam fakpi in bawmh hna u si

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve caah thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi le ka source hna hi a dang ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zong ah ralrin tein ka source ka zohnak ding caah a si lai i cun thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

 

Be the first to comment on "Uar a um tuk hrinhrang. Dr. Sa Sa nih a ran khawh chung in Chinmi caah inn a sak lio. A lungthlitum hi uar um tuk hrinhrang"

Leave a comment

Your email address will not be published.


*