Uar an um tuk hrinhrang; Paletwa ralzam pawl bomhnak caah Ting 10 an pek. Pathian thluachuah chinchin hna seh

Chinram chungah Kawl ralkap le AA pawl buainak ruangah ralzam tampi an um, inn le lo kal tak in, ei le ding awk ngei lo in an um lio ah mah bantuk bomhnak sunglawi tukmi hi ralzam pawl caah zeibantuk in dah lunglawm va si hnga? An caah cun vancungmi bantuk an si ko. Pathian a tha tuk hrinhrang. Midang zong nih kan tuah khawh tawk in kan unau harnak a ton mi cungah lungput kan ngei a her

Pu. Lal Fak Mawi le Nu Lal Run Mawi chungkhar hi yangon ah khuasa mi an si, An chungkhar in paletwa ralzam pawl caah Kyat Ting 10 an bomh hna. Mah bantuk in Chinmi a si ve mi ralzam Paletwa pawl cungah thil tuah duhnak lungput an ngei mi hi a sunglawi tuk mi a si. Pathian nih thluachuah tampi pek chin hna seh.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve caah thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo. English ka rel mi hi thatein source dang ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zong ah ralrin tein ka source ka zohnak ding caah a si lai i cun thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor