UN nih ka nawl a ngai lo ah cun ka duh poah in ka tuah lai tiah US nih a chim cang

Thawngpang tha ttial ding ka kawl le, ttial ding a um lo, duh zong duh lo zong ah vawlei thawngpang chia lawngte ttial a hau ko cang hi, ca reltu zong nih nan ka thei thiam lai ka zum. Thawngpang ttialtu ka si caah thawngpang, a tha maw chia maw, thawngpang a si ning bantuk in ttial a hau caah

US nih Iran Sanctions nak ding caah UN Security Council ah lupi a tim mi cu Russia le China nih an cohlan piak lai ti a zum lo caah, US Secretary of state Mike Pompeo nih a dangin Iran cu fakpi in dantat (Sanctions) a si lai tiah a chim. UN Security Council hmang ah Iran sanctions an tuah mi cu October ah a dawng cang lai caah, US nih Iran sanctions peng lio ah Iran hi sanction si ti hla seh tiah a duh mi pawl an rak um.

US nih hin Iran nuclear deal ruangah, Tehran hi fakpi in a phomh lengmang tiah bia halnak tampi a um khoh. Iran nih hin nuclear weapons ngei khawhnak ding caah fakpi in lam a kawl lio a si. Iran nih nuclear a ngei lo nak ding caah USA nih fakpi a zuam ve fawn. USA nih Iran nuclear a ngei a duhlonak ruang bik cu Middle East buainak ruangah a si. Iran nih a tim bik mi cu ISRAEL hrawh le vawlei map in Isreal umter lo ding hi a tim bik mi a si. Iran nih Nuclear angei ah cun Isreal a bomb lai ti kha vawlei nih a zum ning a si. Aruang cu Iran zong nih a rak chim cia bantuk in Isreal hi vawlei map in kan hrawh lai tiah an rak chim cang

Amah Iran nih Israel a bomb lo zongah Isreal le USA ral a si mi misual/terrorist pawl hna kha Nuclear bomh a pe thluamah lai ti kha a fiang mi thil a si fawn caah USA le Isreal nih Iran cu fakpi in an doh peng i, dantatnak fakpi in an tuah peng mi hi a si

Pompeo, news conference , State Department , Washington ah achim ning ah cun “Iran hi sanctions an si lo ah cun Advanced weapons systems dang dang a ser lai i, vawleicung ah misual/terrorist pawl sing ah a zuar lai i vawlei caah buainak ngantuk mi a chuapi tu a si lai tiah a chim

2015 Obama Era nuclear deal kha the Trump administration nih a kaltak hnuah Russia, China, UK, France & Germany pawl nih tu tiang an bawmh peng. US nih Iran sanctions nak ding caah mah bantuk in lam a kawl caah Russia’s U.N. Ambassador Vassily Nebenzia, nih cun  “US nih an mah duh ning bantuk in nuclear deal an chuahtak cang i, zia Iran kongah a thlak peng. Nuclear deal kong ah Iran a bawm mi nih zeihman kan chim tung lo. Iran sanction a her ah cun kanmah nawl a si, kan mah kutah a um tiin

US nih Iran sanctions nak ding caah draft resolution, The Associated Press, a copy a ngei mi ah cun Iran nih hriamnam a ngei mi poah ramdang sin ah zuar khawh lo in dantat an si lai ti a si.  192 U.N. member states pawl nih Iran hriamnak cawk siang a si lai lo i, cun financial resources le thil dang “supply, sale, transfer, manufacture, maintenance, or use of arms & related materiel” Iran an bawmh duh ah cun ni 30 hlan ah UN Security Council approval an ngei lai ti a si. Credit- New York Times

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "UN nih ka nawl a ngai lo ah cun ka duh poah in ka tuah lai tiah US nih a chim cang"

Leave a comment

Your email address will not be published.


*