US a hninh bak ko; Joe Biden nih Vice President caah a thim lai an ti mi fapa nih Trump a tanh. Aruang

UN Ambassador a rak si cang mi le Obama President a si lio ah Cabinet member a rak ttuan cang mi, Susan Rice fapa nih anu le Democrat kaltak in Trump a dirpi ning nih USA a hninh bak ko.

USA cu mahle zumnak le minung pakhat policy hi an nih upat ngai mi a si caah mah bantuk in a a fapa he politic ah an zum ning a khat lo ruangah a nu zong nih zeihman a soisel lo

Former UN Ambassador Susan Rice nih a chim mi cu politic nak in thisen hi a thawn deuh hlei ah a chah deuh tiin nithum ni interview a tuahnak ah a chim

“Kum 23 a si lio mi fapa ka ngei, ka dawttuk mi a si, a politic cu keimah politic le ka chungkhar politic he cung  a khat lo tak tak tiin NPR sin ah a chim. Ka fapa le keimah policy kongah i rem lonak tampi a um. a za tein a si lo, natein amah nih a ka dawt i, keimah zong nih ka dawt ve tiah a chim

Rice, kum 2009-2013 tiang US ambassador to the United Nations a rak ttuan cang mi a si i, cun security adviser caah 2013 to 2017 a rak ttuan cang mi a si. Amah hi Politic lei ah saupi rian a rak ttuan cang mi a si caah Joe Biden V-President caah a duhtu an tam ngai mi

A fapa John David Rice-Cameron, hi Rresident of the Stanford College Republicans a si i, Trump President a si than khawhnak ding caah vawi tampi program a rak tawh rel tawn tu a si. Mino a si nain Ruplican lei nih an nih bohchan ngai mi pakhat a si ve. Mah bantuk in a nu le amah karlah ah buainak a um caah anu hi  Vice President ding caah thim a si lai maw sai lo ti cu a fiang rih lo

US hi vawlei cung ramkip caah a pawimawh tuk mi ram a si ti hi kan zum ve ve. Hawikawm tha ram ngei a her ti kan zum ve ve, Russia le China lakah him tein USA um khawhnak ding caah rian ttuan ti kan duh ve ve,

Kan zumnak a khat lo mi cu, keimah nih mah le duh thimnak hi a biapi ah ka chia i, a mah ni nun a hlut ning hi a biapi ah a chia, mah hi kan zumnak a khat lonak cu a si tiah a chim.

A chim duh nak cu Democrat a si caah nauhrawh, nudawk, padawk ti pawl a cohlan i, natein a fapa nih cun a cohlan lo. Susan Rice hi Joe Biden nih V- President caah a thim lai tiah a zum mi an tam ngai i, Amah hi caan saupi politic lei ah rian a rak ttuan cang mi a si caah Joe Biden bawmtu thatbik a si lai ti hi Democrat lei nih an zum bik mi a si. Credit- Foxnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "US a hninh bak ko; Joe Biden nih Vice President caah a thim lai an ti mi fapa nih Trump a tanh. Aruang"

Leave a comment

Your email address will not be published.


*