US a hninh tak tak ko; Trump campaign a tuahnak ah Obama min a chim lio ah mipi nih an au ning cu tih nung bak si

Trump zong President si tthan ding in fakpi in campaign a tuah lio a si. Zarhpi zan ah Nevada ah campaign a tuah, Bia a chim mi pakhat ah mipi nih thatho ngai in, Thawnginn ah chia (Lock him Up) tiah hlasak bantuk in thangpi in an au

Chinpage a US thawngpang 4/5 nifatin ka ttial peng caah, US thawngpang nifatin a rel duh mi nih cun mah Chinpage hi like/follow vun tuah law, nifatin US thawngpang 4/5 na rel khawh peng lai tinak a si.

Trump nih a chim mi cu, Obama President a si lio ah US mipi caah rian ttuan ve ding in President si ve ka tim. Campaign ka tuah mi cu a thlitein a ka ngia lengmang, natein tlaih a si tiah a chim.

A thil tuah mi fih nung mi vialte tlaih dih a si. Cumpi tlaih bantuk in kan tlaih cang i, zeidah a cang hawi lai kan zoh lai cu tiin a chim chap

Hillary Clinton he kum 2016 debate an rak tuah lio ah Trump nih Hillary clinton bia a chim hnuah Thawnginn ah chia na si lai tiah a rak chim cang.

Trump nih a chim tthan mi cu, Democrat pawl nih thil an tuah ning bantuk in keimah nih tuah ning law, biaceihnak zung a taza cuai ding i an ka chuahpi cang lai i, misual bantuk in an ka rel cang lai tiah a chim chap

Republican pawl cu Democrat pawl bantuk in an an thatho lo, teitu si ding in an nih cawlhcang lo. Democrat nak in policy tha deuh an ngei. Natein mithalo hri bantuk in a saumi an si lo tiah a chim

Democrat pawl nih an tuah mi vialte hi Republican pawl tuah mi si seh law, kum 2 tiang thawnginn ah an um cang lai i, cun  mah le ram cozah rawitu an si tiin kum 50 tiang thawnginn ah thlak an si lai tiah a chim. Breitbart

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "US a hninh tak tak ko; Trump campaign a tuahnak ah Obama min a chim lio ah mipi nih an au ning cu tih nung bak si"

Leave a comment

Your email address will not be published.


*