US Chinmi caah hna angam tuk cang, Trump a doh pengtu Alexandria nih Trump a vun dirpi bak ve cang

Chinpage nih a tim bik mi cu thawngpang dik lo mi karlakah thawngpang a dik mi le a hman mi Chinpage reltu sin ah theiter le tial hi a si. Nifatin US thawngpang 4/5 na rel khawh peng nak ding caah Chinpage hi Follow/Like tuah ding in kan sawm hna

Trump a doh pengtu Nancy Pelosi nih Trump a dirpi ning ka vun tial cang kha. Trump nih atlawmbik ah minung pakhat ah $2000 an hmuh hrim ding asi,

Veto Power ka hmang lai tiah  a vun tial bak in, House Speaker Nancy Pelosi nih Trump a dirpi ning a vun chim

Mah hnuah Trump a doh peng mi, Liberal pawl nih an uar ngai mi, Congresswoman Alexandra Cortez AOC zawng nih President Trump cu heh tiah a vun dirpi bak ve.

“keimah le Rashida nih covid bawmhnak kongah kan duh ning $2000 bawmh ding mi kong fiangtein kan langter cang kha’ tiin

Atu cu mah kong hi ceih ding in ready kan si cang tiin, President Trump nih mah bantuk in legislation a dirpi mi cu thawngtha tak tak a si tiin. Senate ah GOP nih an cohlan ah cun a rang in mah bawmhnak hi passed ding a si, tiin Twitter ah a tial

Sen. Lindsay Graham zong nih Nancy Pelosi le Trump cu a vun dirpi bak ve acng i, Nancy Pelosi nih mi pakhat sin ah $2000 pek si seh tiah Trump a vun dirpi than mi cu thawngthat awk ngai a si tiin Twitter ah a tial ve

Covid ruangah America mipi an tuar ning a fak tuk caah mah bantuk bawmhnak hi an phu tiin a vun chim. Mah kong hi Ni 24 ah House ah ceih than ding a si, Trump nih mah bantuk in a lungput a langter cang caah

Republican dang nih a bia chim mi hi House ah an doh lai ti zum a si lo caah US mipi pakhat nih Dollar 2000 cu a fiang cang ti bantuk si cang. Source-Theepochtimes

Note- Kum 2020 January Ni 1 in tu tiang a kan hruaitu JESUH min in nan kut kan nih tlaih hna, Chinpage a rel tawntu vialte Christmas le Kumthar lawmnak nan cungah tlung ko seh.- Chinpage Editor

Be the first to comment on "US Chinmi caah hna angam tuk cang, Trump a doh pengtu Alexandria nih Trump a vun dirpi bak ve cang"

Leave a comment

Your email address will not be published.


*