US Chinmi ralrin chin hna u si, CDC Director Dr. Robert nih ralrin nak bia a chim cang

US politic kong lawngte ka ttial caah tu cu US a um Chinmi zong nih kan thei a her tuk mi, US cozah nih mipi sin ah thei a her mi a vun phuan mi hi ka vun ttial lai. Mah chinpage ah hin US thawngpang ni khat ah 4/5 lengmang ka ttial caah, Like/follow vun tuah law, nikhat ah US thawngpang 4/5 na rel peng khawh tinak a si

US hi Coronavirus zawtnak a ngei tampi le a thi tambik an si, Cozah lei nih zulhding mi an ser mi mipi nih an zulh duh lo caah case a tam thluamah i, mah bantuk in a si ah cun a ra ding mi thlasak hi tih nung tuk mi caan a si lai tiah zum a si

Centers for Disease Control and Prevention (CDC) Director Dr. Robert Redfield le WebMD’s chief medical officer, Dr. John Whyte he i tonnak an ngeinak ah US mipi sin ah ralrin bia a vun chim

Dr. Jonh Whyte nih bia halnak tuah mi cu, Thangksgiving a vun phan ding mi le US mipi nih tangka tampi man a si lo mi, mask an hmang duh lo nak kong ah bia halnak a tuah mi cu Redfield nih mah ti hin lehnak a tuah

America mipi nih zeibantuk in dah mah a rah ding mi caan hi kan hmang lai tiah an duh thim ning bantuk in Coronavirus ah kan drihmun cu a si te lai tiah a chim.

Na ram, mi phun le mah coronavirus he i dohnak ah hin thil pali tuah  ding in kan nawlh hna, Cu hna cu, mask hmang peng law, social distance tuah peng, Na kut ttawl peng le mi tamnak ah umzia thiam

America mipi nih mah hi thatein kan zulh khawh ah cun Coronavirus hi a tlawm thluamah lai, natein April thla ah ka rak chim cia bantuk in mah ka chim mi pawl hna hi kan zulh duh lo ah cun a rah ding mi Thanksgiving hi caan chia/tih nung bik caan a si lai tiah a chim. Foxnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "US Chinmi ralrin chin hna u si, CDC Director Dr. Robert nih ralrin nak bia a chim cang"

Leave a comment

Your email address will not be published.


*