US Chinmi tamnak Texas ah Trump nih Biden cu a tei cik cek cang ko hi

Democrat pawl caah mangchia lawngte si cang ko, a luancia polls ah Biden nih Trump cu a rak tei ngai, natein vote thlak nak ding caah ni 50 hrawng a um cang.

Trump nih Polls ah Biden cu a vun tei ngai cang caah Joe Biden zawng amah inn tangah um sawh sawh ngam ti lo. Atu cu Campaign tuah ding in a chuak lengmang ve cang

Mah Chinpage a hin US thawngpang 4/5 ni fatin ka ttial peng i, US thawngpang rel a duh mi le thei a duh mi nih cun mah Chinpage hi like/follow vun tuah law, nifatin US thawngpang 4/5 na rel khawh peng lai tinak a si

Texas hi Trump caah a hertuk mi state a si, Joe Biden teinak ding caah cun Texas ah electoral vote a um mi vialte hi a hmuh dih a her. Cucaah fakpi in Texas ah rian a ttuan nak zong hi a si. Tu cu Biden caah thawngpang chia ngai mi a si cang. Trump nih Texas ah Joe Biden cu a vun tei cang

August 28 to September 2, tiang Texas state ah polls an tuahnak ah Trump nih 48% a hmuh lio ah Biden nih 46% lawng a hmuh cang tiah  Dallas Morning News a ttial. Mah State ah hin a luan cia polls ah Biden nih point 5 bak in a rak tei. Natein atu cu a dang cik cek cang

Tu hi Vote thlak nak ding caah ni 50 hrawng a um cang i, mah chungah hin Biden nih a tei khawh lai maw, Trump nih Hillary a rak tei cia nak a si caah Biden lakah Texas hi a sungh lai maw ti cu november ni 3 ah a fiang te lai

Kum 2016 ah Texas State ah hin Trump nih Hillary Clinton cu 9% in a rak tei cang mi kha a si.Register voter a ngei mi minung 1,176 sin ah bia halnak an tuah nak ah, 901 nih November ah vote kan thlak hrim lai tiah an chim. A luan cia thla 2 ah mah Texas State ah Biden nih Trump a rak tei ngai i, point 5 bak in a rak tei.

Natein a tu cu Trump nih a vun tei thang cang i, Point 2 in a tei, Trump duhtu an kar thluamah cang tinak a si. Credit- Breitbart

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "US Chinmi tamnak Texas ah Trump nih Biden cu a tei cik cek cang ko hi"

Leave a comment

Your email address will not be published.


*