US cu chim lo, Trump support pawl an au ning nih vawlei a hninh bak ko hi. A zoh mi an tam tak tak

Mah Chinpage ah nifatin US thawngpang 4/5 ka ttial peng caah, US thawngpang a thei duh mi le rel duh mi nih mah Chinpage hi like/follow vun tuah law, nifatin US thawngpang 4/5 na rel khawh peng lai tinak a si

A nuam law law cang. Election hlan poah cu Trump le Biden kong longte kan ttial ko lai hi, A caan a si caah a rel mi nih nan ka thei thiam lai.

A rel huam lo mi tampi nan um zong ah, Bible nih zei poah hi a caan a um tiah a kan cawn piak bantuk in, a caan a si caah ka vun ttial hoi cang lai hi

Trump covid ruangah thawnginn ah nithum a um. Nithum hnuah siizung in, White House lei ah a kir tthan cang.White House ah a her ning tein treatment pek peng a si lai tiah amah sibawi nih a chim

Trump Walter siizung ah a um lio ah Siizung hmaiah Trump supporter pawl nih Trump caah fakpi in thlacamnak an ngei.

Trump nih zarkhat ah voihnih, voihthum rally a kan tuah piak tawn i, a tu cu amah caah rally kan tuah piak cang lai tiin atam kho in siizung hmaiah rally an tuah piak

Trump siizungah a um lio ah amah supporter pawl surprise a va tuah hna i, SUV in chikhat te lengah a va chuak. Democrat pawl nih ceilak in an soisel thangchiat.

Trump supporter (MAGA) pawl hna cu Trump campaign nih pizza, candy le ti an va phawt hna. Trump supporter pawl nih Gob Bless our President, I will die for him!/ Trump cu Pathian nih thlachuahnak tampi pek se, Amah caah ka thi ko lai, tiah fakpi in an au nak cu video in langter a si. A zoh mi an tam tak tak cang. Credit- RTK

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.
Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chinpage Editor

Be the first to comment on "US cu chim lo, Trump support pawl an au ning nih vawlei a hninh bak ko hi. A zoh mi an tam tak tak"

Leave a comment

Your email address will not be published.


*