US Khrifa caah cun celh ding si ti lo ee!! Democrat pawl nawlngeinak ah ceilak in dantat an si hoi cang

Coronavirus ruangah US ram chungah Khrifa pawl hna cu lungfak le lungrethei ngai in an um, a ruang cu a cheu state ah cun Bars, Restaurant pawl hna cu duh poah in onh khawh ko, natein Biak inn ah i pum le thil dang tuah kha an siang lo, zulh ding mi an ser mi social distancing an  zulh ko zawng ah

Minak pawl an duh duh in lengah buianak an ser, Black Lives Matter pawl a buu buu in US state dang dang ah buainak an ser, lam an zulh, mah pawl hna hi covid-19 zulh ding mi, a zulh lo mi lawngte an si, natein zeihman an cungah hremnak tuah a si hlei lo

Mah Chinpage ah hin US thawngpang, ni fatin 4/5 ka ttial peng caah, US thawngpang na rel duh ah cun Chinpage hi like/follow vun tuah law, ni fatin US thawngpang 4/5 na rel khawh peng lai tinak a si

California ah khrifa hna cu tangka tampi liam ter an si. A ruang cu Coronavirus lio ah i pum le meeting an siang lo, natein khrifa hna cu i pum le meeting ti bantuk an tuah caah Cozah nih dantatnak ding caah tangka tam pi a liam ter hna

North Valley Baptist Church in Santa Clara, California cu tangka $10,000 cawi ter an si, Clara County ah hin i pumnak tuah a si i, a pum mi pawl nih Pathian hla zawng an sak chi caah Cozah nih Covid phunglam nan buar an ti caah hi zat tangka hi cawi ter an si

Zarhpi zing i pum ruangah le hlasak ruangah tangka $5,000 cawiter an si i, cun zarhpi zan i pum le hlasak ruangah tangka $5,000 liam ter an si. Zing le zan i pum ruangah dollar $10,000 liamter an si tinak a si

Cun  California judge nih Godspeak Calvary Chapel in Thousand Oaks, California cu tangka $3,000 a cawi ter hna, a ruang cu Biak inn chungah meeting an tuah caah le i pumnak an ngei caah, i pumnak hi voih 6 an rak ngei cang i, voihkhat i pumnak ah tangka  $500 a liam ter hna. Voih 6 i pumnak an rak tuah cang caah tangka $3,000 a liam ter hna

Jack Trieber, pastor of North Valley Baptist Church nih a chim mi cu, pum thatein zoh khen cu a her tuk mi thil a si, natein a her deuh mi cu thlarau lei ah thatein Pathian he pehtlaihnak ngei khawh hi a si tiin a  chim

Mah bantuk in Biak inn khar a si ruangah, US ram ah depression ruangah a thimi tampi an um, sualnak a kar thluamah, Zuh rih mi an tam thluamah, mah le mah i tha mi an kar thluamah, khuachungah buainak a tam thluamah, inn ngei lo mi tan tam thluamah, mah pawl hna hi Pathian lei ah fakpi in an kal khawhnak ding caah kan bawm a her tuk mi a si, Kei cu Pathian thangtha ding in nawlpek mi ka si, tiin a chim

Trieber nih a chim tthan mi cu, nan ka tlaih ah cun ready ka si ko, ka duh mi cu a si lo, natein ka duh bik mi cu Pathian thawngtha chim hi a si, tiin a chim chap. Credit-Christianheadline

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "US Khrifa caah cun celh ding si ti lo ee!! Democrat pawl nawlngeinak ah ceilak in dantat an si hoi cang"

Leave a comment

Your email address will not be published.


*