US le China an buai chin lengmang cang, China duh lo ngai mi US nih a tuah tthan hoi cang

US le China cu a zual chin lengmang cang ko, an buai tak tak, US president thim kum a si caah Trump nih a duh ning bantuk in China cungah dantatnak a kalpi kho lo lio a si fawn tikah China nih caan tha a hmang in US Election ah Democrat nih teinak an hmuh khawhnak ding caah tangka tampi hmangin a bawmh hna. Mah kong hi Chinpage ah ka ttial cang kha

Chinpage ah nifatin US thawnpg 4/5 ka ttial peng caah, US thawngpang ni fatin thei le rel na duh a si a cun mah Chinpage hi like/follow vun tuah law, nifatin US thawngpang 4/5 na rel kho peng lai tinak a si

Trade War le Covid kongah US le China cu uico le meheh bantuk in an phomh peng i. A luan cia zarh, Nili ni ah UN Security Council Meeting ah US nih China cu Covid kongah ceilak in a phomh. Mah hnuah Russia le China nih US cu ceilak in an phomh ve.

US le China cu a si kho cungin dantat nak lawm an nih kawl cang. US nih China cu Media lei hmangin ceilak in dantatnak a kalpi than hoi cang

Department of Homeland Security nih China dantatnak ding caah thawngpang an vun thanh cang. Department of Homeland Security nih foreign Journalist, researchers le siang hngakchia nih US ram chungah saupi an um lo nak ding in an Visa a tha piak hoi cang

The Trump Administration nih Chinese Journalist pawl hna cu US ram chungah ni 90 leng an um khawh lo nak ding caah phunlam thar a tuah piak tthan hna. China Journalist pawl cu ni 90 ah an visa a thi cang lai i. US ram chungah an um duh tthan ah cun a thar in Visa an sawk a hau cang

Mah bantuk in dantatnak an rak ser hlan a, China Journalist pawl cu ni 280 US ah um khawhnak pek an rak si tawn. Natein Covid ruang ah atu cu ni 90 lawng um ding in an ti cang hna

China or Hongkong Journalist hna hi I Visa pek an rak si tawn. Chinese State Run Media outlet Xinhua News Agency, China Global Televison Network, China Radio te hna zong ni 160 a rak si tawn mi kha ni 100 ah thum piak an si.

Trade war le Covid War ruangah US le China i dohnak cu dawng kho ding mi a si ti lo. Trump president caah thim tthan a si a cun a buai chin lai i, zeibantuk buainak le harnak an tawn te lai ti cu mithiam pawl nih an zoh peng mi a si. Credit-RTK

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "US le China an buai chin lengmang cang, China duh lo ngai mi US nih a tuah tthan hoi cang"

Leave a comment

Your email address will not be published.


*