US mipi nih an thei duh ngai mi cu Trump nih a chim cang. A buai chin lengmang cang!!

Mipi nih an theih duh ngaih mi, Michigan State, Antrim County Ah Dominion voting cu vote firnak ding caah hrim hrim ah ser asi tiin forensic Auditor nih fiang cik cek in a vun chim cang. Mah kongah US mipi nih Trump lungput cu thei an duh ngai

US hi a cunglei lawngah theih a cun uar ngai ding mi a si, natein a chunglei thil sining vun thei a cun lih le hrokhrawl, politicize ruangah thil dik mi thup,

Mipi sin ah a hman mi chim duh lo, tangka tampi hmangin mi va hlen ti bantuk hi a rak tam bak ko ti a fiang cang

Vawi tampi vote fir le hlennak a um ti Trump Legal Team le allies Sidney Powell nih an langter buh in Court nih a cohlan duh lo, US nation court tiang a phan, Texas nih lawsuit a file, state 18 nih an vun dirpi, natein US Supreme Court nih a hlawn piak hna

Michigan state, Antrim County ah Judge nih Dominion Voting Machine Forensic Audit an tuah nak a, mah Dominion Voting Machine hi vote firnak ding hrim caah sermi a si tiin Forensics audit tuah hnuah phuan a si

Mah dothlatnak an tuah mi hi Court ah ap a si cang i, Court nih a cohlan/approved a tuah cang (Mah kong hi Chinpage ah fiangtein ka rak tial cang kha)

Mah forensic Audit kongah Trump nih thil sining a vun chim ve cang i, atu cu judge pawl nih an zum lo mi, vote hlennak a um tiah an rak cohlan duh lo mi vialte cu mah forensic audit nih a lang ter dih.

Trump nih a chim chap mi cu. Mah bantuk hi ka tlungter lai lo. Vote hlennak tampi a um ti fiang cik cek in an theih cang tiin

Tu tiang President Trump nih Democrat pawl nih vote an fir ruangah election hi a fair lo tiah a ruah peng caah ka sungh ti a chim duh lo.

Mah Dominion software audit an tuah mi hi catlap 23 in thil sining vialte an langter. Electoral college vote lak a si hnuah Trump le a rian ttuan ti hoi hna cu Oval office ah caan saupi meeting an tuah i bia ceihnak an ngei. Zeibantuk in thil an tuah lai ti cu tutiang zeihman thei a si lo. Source-Theepochtimes

Note: Lih le hrokhrawl thawngpang tial ka tim lo. Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chief Editor

Be the first to comment on "US mipi nih an thei duh ngai mi cu Trump nih a chim cang. A buai chin lengmang cang!!"

Leave a comment

Your email address will not be published.


*