US mipi nih an thei duh tuk mi cu Trump nih fiang cik cek in a chim cang

Mah kongah hin media tampi zong nih an ruah ning le an hmuh ning an chim ngai, Trump nih Coronavirus a thawk hnuah fiang tein a chim lo caah US mipi nih Trump le China President Xi Jinping pehtlaihnak cu zeibantuk dirhmun a si tiah an thei duh ngai mi a si

Mah kongah President Trump nih fiangtein a chim cang. Trump nih a chim mi cu, Coronavirus hnuah US le China pethlaihnak cu dirhmun thalo bik kan phan tiah a chim

Clay Travis nih  Outkick, ah  President Trump kawmnak a ngei nak ah, President Trump nih a chim mi cu, a hlan ah cun President Xi he hoikawm tha tuk mi kan rak si. Amah hi ka duh ngai mi a si, natein, atu cu a hlan bantuk in a si ti lo tiah a chim

Coronavirus hnuah cun Xi Jiping he kan nih pehtlaihnak cu hrawh dih cang. Caan saupi Xi Jiping he kan nih chawn ti lo tiah a chim chap

Atu cu China he kan hawikawm ning cu a thleng dih cang tiah OutKick sin ah a chim. Jiping he kan nih pehtlaihnak cu a tha ngai, natein rai a vun thawk hnuah ah cun a thleng dih cang tiah a chim

Trump le Jiping hi hawikawm tha ngai an si, Vawlei cungah chawlehnak ah a thawn bik ram an si caah super power ram pahih tiah thei mi an si.

Natein Coronavirus ruangah vawlei cung muinak in a khat dih cang caah le US cu a tuarbik ram an si caah le tu kum hi US President thimnak kum a si caah, Trump cu thim tthan a si lai tiah mipi nih an ruahmi cu coronavirus nih a hrawh dih cang caah Trump caah cung celh ding a si ve lo. Credit- Foxnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "US mipi nih an thei duh tuk mi cu Trump nih fiang cik cek in a chim cang"

Leave a comment

Your email address will not be published.


*