US mipi nih Democrat pawl thil tuah mi cu mak an ti tuk cang. “Pathian” cu zei ah an rel ti lo

A poi tuk ee!, zumtu ram a si mi, “WE TRUST IN GOD” tiah tangka ah a tial mi ram ah mah bantuk in thil a cang mi cu!! Tu lio US thawngpang a linsa ngai mi pakhat a si ve caah, Chinmi zong kan thei a her ve tiah ka ruah caah ka vun ttial mi a si. Mah Chinpage ah hin US thawngpang nifatin 4/5 ka tial peng caah US thawngpang rel na duh ah cun mah Chinpage hi like/follow vun tuah law, ni fatin US thawngpang na rel khawh peng lai tinak a si

Kan thei cia bantuk in Democrat pawl nih Convention cu tlamtling tein an dawngter cang. Mah Democrat pawl nih Convention an tuahnak ah zumtu ram a si mi US ram chungah Democrat pawl nih  “Pathian” ti min voihkhat hman an au/chim duh lo

Mah Democrat Convention ah hin bia chimtu ding in celebrities pawl le Muslim hruaitu pawl zong  sawm an si ve. Muslim pawl nih bia an chim lio ah “Pledge of allegiance” fakpi in an au/chim lio ah khrifa ka si a ti mi Democrat hruaitu nih cun “Under God” ti cu an chim duh/ngam ti lo

Mah convention ah hin zeitindah US ram hi kan ser tthan lai ti kong  chim lo in, Trump soiselnak le thangchiatnak kong lawngte an chim caah US mipi nih Trump soiselnak Convention/khawmpi tiin an ti piak hna

DNC khawmpi  hi kum dang ah cun aa zoh mi an tam ngai tawn, natein tu kum 2020 cu 48% in a zoh mi an zor deuh.  Vice President caah an thim mi Kamala Harris bia a chim lio ah, Big Screen in mi a zoh mi an langter mi hna cu DNC/Media nih clone/serchom mi lawngte a si. A zohtu minung thiam thiam kha, hmun dang  ah an chia hna i, mipi tampi nih an zoh ti langter an duh caah mah bantuk in an serchom mi hi a si.

Mipi long si lo in kutbengh tiang clone/serchom mi longte si cang. Michelle Obama nih bia a chim lio ah Trump nih hngakchia le an nu/pa a tthen thawn hna i, hngakchia hna cu Cage ah a chia tawn tiah a chim, natein mah hngakchia an chia tawnnak “Cage” hmun hi a pasal Barack Obama nih a rak ser mi a si ti a chim duh lo

Michelle Obama bia chim mi nak in Republican minak nu Kimberly Klaciknih campaign nak Advertisement a tuah mi a zoh mi an tam deuh, Michelle Obama bia chim mi a zoh mi hna cu 10.1 Million hrawng an si lio ah Republican Congress Candidate Kimberly Klacik i Campaign advertisement cu 31.7 Millions leng nih an zoh.

Kimberly hi Democrats pawl nih an duh duh in control an rak ngei nak, An duh duh in thil an tuahnak/ US state ah tih nung bik an ti mi le, i thah a tam biknak Democrats City tiah thei mi, Baltimore district ah Republican lei representative cu a tim, US mipi nih an uar tuk cang, mipi nih an zum leng in a lar i an uar cang

Mah bantuk in a lar tuk cang caah kum 40 hrawng Democrat pawl nih ngawlngeinak an rak ngei cang mi cu ma nuh Republican nu, Kim nih a chuh cang hna lai zum a si cang.

A bia chim mi, mipi le minak nih an uar ngai mi cu, Minak kan si caah Democrat vote hi kan rian a si lo, tiin campaign a tuahnak ah a chim. President Trump zong a thatho ngai cang i, minak nu Kimberly a dirpi ning le thazang a peknak kong fakpi in a chim. Kim nih teinak a hmuh ah cun US ram sertthan nak ding caah fakpi in rian kan ttuan ti lai tiin Trump nih a chim. Credit- Ricky L. Colney

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "US mipi nih Democrat pawl thil tuah mi cu mak an ti tuk cang. “Pathian” cu zei ah an rel ti lo"

Leave a comment

Your email address will not be published.


*