US mirum (Billionaire) nih Trump caah Thawngpang tha a vun chim tthan hoi cang; Kum 2016 Election ah a chim mi a hman dih

Tu lio cu US Presidential race asang tuk cang caah news dang cu ka zoh hman ti lo, Election hlan poah cu US thawngpang lawngte ka ttial ko lai hi. US thawngpang na rel duh ah cun mah Chinpage hi like/follow vun tuah law, nikhat ah US thawngpang 4/5 na rel peng lai tinak si

US mirum (Billionaire) bond fund manager Jeffrey Gundlach zong a um saw saw kho ve ti lo caah President thimnak kongah a vun holh ve cang.

A chim mi cu tu lio polls ah Biden nih Trump a tei mi cu a dik lo mi lawngte a si, Trump nih a voihnihnak ding caah White House ah teinak a hmuh tthan lai tiah a chim

“Joe Biden nih November thimnak ah Trump hi a tei lai maw ” tiah an hal mi cu, Gundlach nih cun “Atei ka zum lo” tiah a chim. Gundlach hi mirum a si i, Bloomberg nih a langter ning ah cun  a tu a company assets/man hi $148 billion hrawn a si

Gundlach nih a chim tthan mi cu, Joe Biden nih Sen. Kamala Harris cu a vice President caah a thim ruangah Vote tampi a nga hlei lai lo. Biden nih Kamala a thim mi cu a thim sual tiah a chim. Kamala hi Democrat nih cun an uar ngai, natein republican pawl nih cun an uar lo tuk mi, Trump nih most liberal tiah a ti mi kha a si

Gundlach, hi kum 2016 ah Trump le Hillary kongah, Polls ah Hillary nih Trump a tei zong ah Trump thimnak ah cun Trump nih a tei hrim lai tiah a rak chim cia bantuk in Trump nih Hillary kha a rak tei.

Kha lio ah khan polls vialte ah Hillary nih Trump a tei dih. Natein Trump cu President caah thim a si thiam ko. Polls hma nung bik ah Joe Biden nih Trump cu a tei i, 7. hrawngin a tei tiah clear poll nih alangte. Mah kongah hin Gundlach nih polls cu zum ding a si lo, an tuah sawh sawh mi tiah a chim chap. Credit- Foxnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "US mirum (Billionaire) nih Trump caah Thawngpang tha a vun chim tthan hoi cang; Kum 2016 Election ah a chim mi a hman dih"

Leave a comment

Your email address will not be published.


*