US nih China cu a thuat hoi cang. China a thinhun tak tak cang. US a tlerh cawlh

Pakistan Prime Minister Iram Khan chim ning bantuk in US le China karlakah buainak a tam chin lengmang ko. China nih a rak chim mi bantuk in a si lo ti cu a fiang ngai. China President Ji Xiping nih a rak chim mi cu, Kan innpa chakthlang a si mi pawl cungah zeihman buainak kan ser bal lo tiin a rak chim. Kan sining cu Myanmar nih fiangtein a thei lai tiin.

Mah bantuk in a chim hnuah Yangon ah Chinese Embassy nih banner ah China president bia chim mi hi an langter.

US nih China cu ceilak in a thuat hoi cang i, Uighur le Muslim miphun a tlawm mi pawl cungah China nih Cozah nih he tiah hram hram in rian a tuanter hna i,

mi tampi a thah tawn/Mass Genocide ruangah US nih China companies 24 cu dan a tat than hoi hna. Mah companies 24, Blacklist ah a chia mi hna hi International Economic and Trade Rules buar ruangah dan tat a si tiin a langter. Mah bantuk in US nih Chinese companies 24 pawl dan a tat ruangah China nih US cu a tlerh cawlh i, Chinese company pawl kilven nak ding caah a herh mi poah kan tuah ve lai tiin

thawngthanhnak an tuah” Natein China nih US hi zeitindah phuhlamnak an tuah lai ti cu fiangtein an langter lo.

Western region of Xinjiang lei ah Uighur le Muslim minorities pawl cungah thil thalo an tuah tiah US nih apuh mi cu a dik mi a si lo tian an chim.

US Commerce Department nih China electronics and technology firms pawl Blacklist ah a chia ruangah US zong nih tampi buainak a ngei lai tiah an zum. Natein US Commerce Department nih a chim than mi cu, ram nih kan tawr mi nak in Human Rights hi a pawimawh deuh tiin an langter. Cred-RTK

Thawngpang dang..US cozah nih covid-19 origins a thawknak zohfiah an timh peng mi cu china nih a ngaithiam lo. covid zawtnak hi kan scientist pawl hna nih zohfiahnak an ngei cang,

US nih kan scientist pawl chim mi hi cohlang ko se tiah tadinca The Global Times nih a langhter. Covid zawtnak a thoknak hmunpi wahan khuaah zohfiah timhtuahnak hi

US cozah nih kalpi a tim peng. sihmanhselaw china le WHO nih zohfiahnak an tuahmi cu thlen an tim bak lo. covid zawtnak cu saram in a hung chuak mi a si tiah an chim mi cu cohlang viar dih dingin an ti, nain US nih a cohlang kho bak lo, covid cu china serchawm mi virus pakhat a si ko timi hi a ruah ning a si. US nih covid origins zohfiahnak kalpi a tim peng ruangah china nih US cu international science community biachim mi le tuahser nak zong hmaizahnak an ngeilo.

vawlei scientist thiam thiam hna nih zohfiahnak an ngeih cang. covid hi saram tangin a thawk mi a si ko e tiah cohlang ve dingin a chim.

nihin niah international science community pawl hna nih zohfiahnak a ngeih cang. covid hi china kan ser chawm mi virus a si lo. US nih hin scientist zhfiahnak a rak tuah tu pawl hna hmaizahnak zong an ngei lo, cun minung tuanvo phunghram zong a ngeilo an mah biachim lawng hi

vawlei ah a dik bik ah an ruah mi hi an sim a hau tiah Chinese Foreign Ministry spokesperson Wang Wenbin nih a chim. Wang Wenbin nih a chim chap rih mi cu, US nih hin vawlei ram vial te hi a mah tang lawnglawng ah chiah a duh. cun a mah tuahsernak le chim mi lawng hi a dik mi ah a ruah theo ton, sihmanhselaw nihinah vawlei scientist thiam pawl hna i covid kongkau

ah an chim mi hi cohlan tlak a dik mi a siko. mah cu ruangah US nih covid origins zohfiahnak kalpi a timh mi hi tawp tir cang selaw a tha ko lai a ti.

Covid origins kongkauah WHO le china ttang tti scientist pawl hna nih zohfiahnak an rak ngei cang. an chim mi cu covid hi saram in a thawk mi si an ti.

Nain nihin ni tiangah US nih a cohlang duh lo i, a mah tein zohfiahnak tuah a tim peng tawn. sihmanhselaw WHO le china team nih a lam an phih piak peng. mah cu si ruangah US zong WHO sinah a lungtling kho bak ti lo.

US cu vawlei ah ram thawng bik a si, hriamnam thatha zong a ngei faw, sihmanhselaw nihinah an cawlcangh thawng ah scientific community pawl an lauter. vawlei scientist thiam pawl hna le kan scientist pawl hna tiangin an kut tangah chiah dih an timh nak in an sim a herh ko tiah a chim. Cred-RTK

Be the first to comment on "US nih China cu a thuat hoi cang. China a thinhun tak tak cang. US a tlerh cawlh"

Leave a comment

Your email address will not be published.


*