US nih China cu ceilak in dan atat hoi cang; China cu a thin a lin tak tak

An buai chin lengmang, zeibantuk dirhmun an phan te lai ti cu thei khawh si ri lo, Ituk ding ah cun China nih a ngam lai lo ti afiang tuk ko, natein China nih USA cu a ngam tuk ve fawn. Vawlei hi a buai chin lengmang cang ko hi

Nikhat ni ah USA nih China media (Tadin) Pali (4) China Central Television, China News Service, the People’s Daily & the Global Times te chu Goreign Missions/ Propaganda ah a phuan piak hna. March ah  Beijing nih US Major newspaper -The New York Times, The Wall Street Journal & The Washington Post ah rian ttuantu hna cu China ram in USA ah a kuat hna

Mah bantuk in US nih China media 4, Propaganda outlets, ruling Communist Party of China pawl control nak tangah an um tiah ati piak cang caah Washington nih hin China media 9 hna cu Propaganda machine ah a phuan piak cang tinak a si

President Donald Trump nih Coronavirus pandemic ah Wuhan Virus, China Virus, Kung flu tia zei rello in ati piak hna ruangah China le USA buainak cu a zual chin lengmang

State Department Spokesperson Morgan Ortagus ‘Mah China media pawl hna hi Chinese Communist Party, CCP, nih a duh ning bantuk in a tuah mi hna an si, independent news organisations an si lo, propaganda phuanank a si” a ti piak hna

February ah US in Xinhua News Agency, China Global Television Network, China Radio International, China Daily Distribution Corporation & Hai Tian Development USA hna cu Propaganda outlets an si tiah USA nih a rak ti piak cang hna.

foreign ministry spokesman Zhao Lijian “US nih mah bantuk in kan media pawl hna Propaganda bantuk in a kan phuan piak lengmang ah cun, Beijing nih fakpi in lehrulnak kan tuah khawh ve. Washington hi Cold War mindset thleng ding in kan nawl hna. China nih hin duh thim ding mi kan ngei lo sual ah cun fakpi in kan phomh lai” Credit- Foxnews. The Global Times

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "US nih China cu ceilak in dan atat hoi cang; China cu a thin a lin tak tak"

Leave a comment

Your email address will not be published.


*