US nih UN sinah leiba a ngei mi vialte China nih a phuan piak dih; USA hmui a chia ter ngai

Idoh, i soisel, thangchiat, mualphoter lawng te si ko kan vawlei cung hi cu. Zumtu caah cun zeitluk in dah vanram ah um a nuam lai. Jesuh hi rah zawt zawt cang seh, vancungah um cang u si  lawh, mah vawlei buainak vialte um lonak Vanram ah un cang u sih law zeitluk  in dah a nuam lai!! Tu lio boruak cu thei duh zawng ah, duh lo zawngah mikip nih kan buaipi mi a si caah hna a ngam kho hrim lo.

USA le China cu coronavirus kongah fakpi in i theithiam a chuak caah an karah dainak serkhawh a si ti lo i an buaining a zual chin lengmang cang. US hi vawlei cung ramkip huap in UN Budget a hlut tambik a si. UN Budget kum fatin (Annual) running cost 22% hi US nih a hlut mi a si. $3 billion hrawng a si. UN peacekeeping operations ah 25 percent hi US nih a hlut mi a si, Kum 1 ah $6 billion an hlut tawn. Officially in 27.89 percent, peacekeeping budget hi an hlut ding mi cu a si, Natein kum 2017 ah President Donald Trump nih 25% in a ttumh piak hna.  $200 million in an hlut mi a tlawm cang tinak si. The United States nih hin fiscal year October- October in an kalpi tawn

China nih cun UN running costs 12 percent lawng hlut tawn. UN peacekeeping budget ah 15 percent . Nili ni ah khan ram 50 , China he 193 member states, nih United Nations ah an hlut ding mi tangka zat cu tling tein an hlut dih cang

China nih mah bantuk in UN sin ah tangka a hlut tawn mi a hlut dih cangka tein US cu fakpi in a phomh, UN sin ah leiba na ngeimi dihlak rak pek cang tiin vawlei cung ramkip thei ding in USA cu mual aphoter tthan. China nih UN sin ah tangka a hlut tawn mi hi USA nih a hlutmi cheuthum ah cheukhat hman khi a si lo.

May 11, khan Secretary-General Antonio Guterre nih a chim ning ah cun, UN nih kum cheu ah cun tangka i zat lo ruangah harnak fakpi kan tawn cang lai tiah a chim. China nih Ninga ni ah US mualpho ter duh ruangah bia a vun chim i, UN ah kan tuah ding mi vialte dihlak in kan tuah cang. Kan rian cu kan ling cang, Washington nih UN $2 billion hrawng leiba a ngei mi cu atu tiang a pe lo tiin a chim

Chinese statement nih a alngter ning ah cun “May 14 tiang UN regular budget & peacekeeping budget Washington nih tu tiang a pek lo mi tangka cu 1.63 billion & 2.14 billion US dollars a si. Kum tampi US nih a rak pek lo mi he an tuak piak hna. US nih UN sin ah leiba a ngei mi dihlak cu 1.165 billion & 1.332 billion US dollar”  hrawng a si ttin a phuan piak. Source-Thehindu. May 16.5. 2020. 04:38 IST

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor