US um Chinmi caah thawngtha bak si; Bawmnak kong ah Trump nih fiang cik cek in a chim cang

Coronavirus voihnih bawmnak kongah tu tiang Democrat le White House nih biakhianak an tuah khawh lo.US mipi tampi rian a ttuan lo mi le bawmnak a her tuk mi an um cang caah a rang khawh in bawm hi Trump nih a duh mi a si

Trump admin Treasury Secretary Steven Mnuchin le White House chief of staff Mark Meadows nih House Speaker Nancy Pelosi of California and Senate Minority Leader Chuck Schumer of New York hna cu tu zar chung bak mah bawmnak kong ceipi ding in office ah an va kal tawn,

Natein tu ni cu lungdawng ngai in an rak kir tthan. An chim mi cu, tu cu President Trump executive power hmangin mah bawmnak hi mipi sin ah phawt ding in lam kawl ding in kan chim cang lai tiah an chim

Mah hnuah President Trump nih ka nawlngeingak hmangin US mipi sin ah mah bawmnak hi a phan khawhnak ding caah rian ka ttuan cang lai tiah a chim ve cang

Mah lawng hi si lo in, Coronavirus ruangah buainak le harnak a tawn mi US mipi hna cu December tiang bawm an si lai tiah a chim chap. Cun  payroll tax  zong December tiang cut piak an si lai tiah a chim.

July thla chungah khan rian 1.5 Million leng ser tthan a si i, minak pawl nih an tawn bal lo mi rian tamtuk ser piak an si tiah President Trump nih a chim.

President Trump nih a chim mi cu, mah bantuk in US mipi nih bawm an her lio ah Democrat pawl nih tu ni riang bawmnak kongah mah bantuk in buainak an ser peng caah ka Administration nih a rangnak in mipi nih bawmnak an hmuh khawh nak ding caah rian ka ttuan lai tiah a chim.

US President Election a ngai tuk cang i, Democrat pawl nih mah bantuk in a her lo mi agenda chuapi i, tu tiang mipi sin ah bawmnak phawt khawh a si lo mi cu US mipi zong an thinthun ngai cang. Mah bawmnak kong hi zarkhat bak an cei cang hnuah tu tiang zeihman biakhianak an tuah duh lo caah President nih zeibantuk order hmangin a phawt lai ti cu zoh cia a si cang. Credit-Fox news

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "US um Chinmi caah thawngtha bak si; Bawmnak kong ah Trump nih fiang cik cek in a chim cang"

Leave a comment

Your email address will not be published.


*