US um Chinmi, ralrin peng hna u sih; thawngpang a chia tuk hrinhrang ko

US cu thawngpang chia lawngte si ko, Presidential race a sang tuk cang caah mi tampi nih coronavirus lei ah kan lung kan chia ti lo, natein coronavirus cu a zual chin lengmang i, mipi ruahnak leng in thawngpang a chia cang

Mi tampi nih hngakchia le mino caah cun tih nung lo tiah fakpi in an aupi, natein doctor mithiam pawl nih cun mah zawtnak hi mino, hngakchia, upa, mi vialte caah tih nung mi a si tiah an chim cang

Kum 7 a si lio mi, Savannah, GA mi cu zeihman a zawtnak alang lo nain coronavirus ruangah thi. Mah hi  state ah hngakchia bik a thi hmasak bik a si tiah Georgia Department of Public health report nih Nili ni/ thursday ah a langter

Coronaviru zawtnak ruangah a thi ti mi kong vun thei ah cun celh ding a si lo i, thawngpang chia tak tak a si, natein hngakchia le mino zong nih an thipi kong vun thei ah cun ruahnak leng lei a si,

Kum upa cang mi nih an thi pi ah cun lungthin ah mah bantuk in rian a ttuan lo, natien mino le hngakchia nih an thi pi lengmang mi kong hi cu celh ding bak a si lo tiah  Dr. Lawton Davis, director of the Coastal Health Department nih FOX 5 in Atlanta. ah a chim

coronavirus ruangah hngakchia nih an thipi mi thawngpang cu a tlawm ngai, natein hngakchia zong nih coronavirus ruanah thinak an tawn thluamah khawh mi a si tiah a chim

Kum 6 a si lio mi, Tennessee ah um mi cu coronavirus ruangah kan hnungzar ah khan a nunnak a liam ve cang. Cun kum 6 thiam thiam a si mi, Nebraska, mipa hngakchia zong a luangcia zar ah a thi ve

Cun Goergia ah kum 17 mipa cong coroanvirus ruangah a luangcia zar ah a rak thi ve cang. Cun a luangcia zar ah hngakchia minung paruk, Nebraska mi cu coronavirus ruangah an rak thi ve ang. US ram chungah 4,883,657 nih mah zawtnak hi an ngei cang i, a thimi dihlak hi 160,104 an si cang. Credit-Foxnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "US um Chinmi, ralrin peng hna u sih; thawngpang a chia tuk hrinhrang ko"

Leave a comment

Your email address will not be published.


*