US um mi caah thawngtha si cang; Trump nih Coronavirus bawmnak cu phawt ding in Steve Mnuchin a ti cang

Zahan ka ttial mi ah khan Democrat le Trump Admin nih bawmnak kongah hnathlaknak an ser khawh ti lo caah a fiang ti lo ti in ka vun ttial cang kha. Democrat lei nih $2 Billion rem an ti a cun bawmnak hi kan phawt lai tiah an ti. Natein Republican lei nih $ 1 billion leng cu kan duh lo. A her lo mi ah tangka hmang ding a si lo tiah an ti nak kong ka vun ttial cang

Mah bantuk in Democrat nih lam an phih lengmang cangcaah President Trump cu a sum khawh ti lo i, Treasury Secretary Steve Mnuchin sin ah tangka, bawmnak $3,400 checks cu US mipi sin ah phawt cang ding in a chim

Trump nih a chim ning ah cun, coronavirus crisis kan tawn lio a si. Treasury secretary sin ah American family sin ah bawmnak $3,400 checks cu phawt cang ding in ka chim tiah President Trump nih ati.

Mah kongah hin Democrat hna cu zarkhat chung ka hngak cang hna. Natein thil a har khawh cungin an tuah lengmang. Democrat pawl hna hi cabuai cung ah biaruah ka tuah pi duh hna lo. Federal Funds hi State funds ah luh ding in an duh lengmang. Democrat pawl nih hin an hawi le rian zong an ttuan piak duh hna lo

$1 trillion leng chap an duh, rian ttuanpi an har tuk cang tiin a chim. President Trump nih hin Nancy Pelosi he cabuai cungah biaruah ti nak ngei a duh lo.  Secretary Steven Mnuchin & White House Chief of Staff Mark Meadows hna cu Capitol Hill lei ah Democrats pawl he bawmnak kong cei ding in a ti hna.

Republican-led Senate & Democratic-controlled House of Representatives hna cu a luancia zar ah $2 trillion stimulus check kongah saupi biaruahnak an ngei hnuah zeihman thil tha a chuak khawh ti lo caah President Trump nih Treasury secretary Steve Mnuchin sin ah US mipi sin ah tangka bawmnak cu phawt cang din in a ti mi a si. Credit- RTK

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "US um mi caah thawngtha si cang; Trump nih Coronavirus bawmnak cu phawt ding in Steve Mnuchin a ti cang"

Leave a comment

Your email address will not be published.


*