USA a hninh bak ko; Israel mirum pa nih Trump caah Tangka a thawh mi cu a tam tuk hrinhrang

A tam tak tak ko, minung pakhat nih mah zat Trump President a si tthan khawh nak ding caah tangka a thawh mi cu. Trump nih Israel caah thil a tuah mi vialte cu Israel nih zungzal in an philh khoh bak ti lai lo. Obama lio ah Israel pawl hna cu lungfak ngai in an rak um.

Trump President a vun si cu Israel pawl caah cun thawngtha vialte lakah thawngtha bik, Teviv in Jerusalem ah Embassy a chia. Jerusalem hi Israel khualipi a si a ti. Cun Golan Heights, kum suapi an rak buaipi cang mi cu Trump nih Israel ram a si tiah a cohlan piak.

 

UN ah Israel dohnak caah agenda an chuapi mi poah Trump adminstration nih an tha piak lengmang hna. Mah bantuk in President nih Israel ram caah rian a ttuan caah Israel mipi nih an philh khoh hrim lai lo tiah an chim mi a si

Democrat party lei ah mirum le hlasak thiam, Hollywood tampi an rak um, natein tangka thawh lei ah cun an min a lang bal lo. Mah bantuk a si caah Democrat pawl caah cun mirum, hlasak thiam, milar an tam zong ah an caah thahnemnak tampi a um lo ti in an rak chim tawn mi a si

2020 November 3 US Presidential election caah Donor tampi zong an duh mi minung bawmh ding in an an ngei mi tangka an vun thawh thluamah cang. Kum 2016 ah President Trump  caah tangka tampi a rak thawh tu, Jewish billionaire casino magnate Sheldon Adelson & a nupi Miriam nih USA  ahninh mi thawngpang tha tuk mi an vun chuahpi tthan hoi cang.

Super PAC nih hin Senate Republicans pawl nih November election a President Trump campaign tuahnak caah a hermi tangka  $25 million leng cu an vun thawh tthan hoi

2020 campaign season caah Jewish nupa hi Donor nganbik a n si, Federal Election Commission’s campaign finance reportsning ah cun February thla ah Trump campaign caah $5,600 an rak hmuh cang. cun a hnuah $ 580,600 an hmuh tthan tiah The New York Times nih a langter

June khan Eberhart nih Trump caah $100,000 a rak pe cang. GOP donor a rak si tawn mi Frank VanderSloot, Idaho-based entrepreneur nih cun Senate lei ah tangka tampi thawh a tim tthan, President Trump nih Daily Coronavirus briefing Tuesday in a thawk lai i, mi vialte hna cu Masks hmang ding in a ti hna lai. Credit- The New York Times

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "USA a hninh bak ko; Israel mirum pa nih Trump caah Tangka a thawh mi cu a tam tuk hrinhrang"

Leave a comment

Your email address will not be published.


*