USA a hninh bak mi; Coronavirus a zumlo bantuk in a cungah a tlung

Fim le hrut kar a hlat khawh ning hi. Minung hi kan mak chin lengmang cang ko. Mah bantuk in mi nih an thipi mi cu a zum lo i, a zum lo ning bantuk in amah lilah nih a thipi ve cang

Mi tampi nih siizung an phan, mi tampi nun nak a liam ti thawngpang thei buh in, mah bantuk in Coronavirus hi lih le hrokhrawl thawngpang (hoax) bantuk in a ruat kho mi cu mak an ti ngai

USA ah mi pakhat kum 30 ah upa a si mi cu Coronavirus party ah a tel ruangah, Coroanvirus cu mi nih an chonh i, siizungah ah an kalpi hnuah a nunnak cu khamh khawh a si ti lo caah a thi

Amah hi Texas um mi a si. Texas ah Coronavirus party an tuahnak ah atel ve i, mah party an tuahnak hmun in coronavirus cu a ngei tiah thei a si

Coronavirus party an tuah mi hi, coronavirus a ngei mi pawl nih an tuah mi a si. Mah party ah hin Coronavirus a ngei hmasak mi poah cu tangka pek ding an si. Mah party an tuah  nak ruangh cu, Coronavirus hi tih nung tuk mi a si tiah an chim tawn mi cu, lih a si, Coronavirus hi tih nung mi zawtnak a si lo ti langter an duh caah an tuah mi a si.

San Antonio ah Methodist Hospital a mi Jane Appleby, chief medical officer nih a chim ning ah cun, Mah pa nih hin coronavirus cu lih (hoax) bantuk in a ruat i, mino te a si ruangah, coronavirus ruangah a thi kho a zum lo i, Party an tuahnak hmun ah cun tangka hmuh ding in a kal ve tiah a chim

Natein mah bantuk in coronavirus ruangah siizung aphan i, a nunnak a liam mi kong mi tampi nih an vun thei mi cu mak an ti i, mah bantuk tih nung tuk mi tih lo in party ah a kal ngam mi cu mak an ti ngai. Credit- NDTV

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "USA a hninh bak mi; Coronavirus a zumlo bantuk in a cungah a tlung"

Leave a comment

Your email address will not be published.


*