USA a tlerh mi cu a ngaichi tak tak cang lai hi; China mangchia aphan hoi

USA  a tlerh mi cu a ngaichi taktak cang ko lai hi. China nih USA cu zeimaw kan tuah khawh vun zoh ve seh tiah fakpi in USA cu a tlerh ve, natein tu cu angaichi tak tak cang ko lai. A duh lo mi lawngte a cungah tuah a si cang i.

US Commerce Department nih China caah mangchia a si ding mi thawngthanhnak an tuah i, mah thawngthanhnak ah cun Chinese company 11 cu black list ah an chap tiah a phuan. A ruang a langter ning ah cun human right lo ning in rian an tuan caah tiah a chim

China chak leiah um Xinjiang province ah Turkic Ethnic minority Group Uighur cungah China cozah thil tuah mi kongah USA cu a lungtling khoh hrim lo i, mah kong ah hin a hlan in a rak buaipi cang mia  si

Xinjiang province ah Uighur le muslim minority hna cu camp tuah piak an si, USA nih a chim ning ah cun mah camp ah um mi hna hi China cozah nih a duh ning bantuk in a tuah hna i, ramsa bantuk in a zohkhen hna tiah a chim.

Changji Esquel Textile, Hefei Bitland Information Technology, Hefei Meiling, Hetian Haolin Hair Accessories, Hetian Taida Apparel, KTK Group, Nanjing Synergy Textiles, Nanchang O-Film Tech le Tanyuan Technology ah rian fakpi tuan ter an si tiah US Commerce Department nih alangter.

June ah khan US Commerce Department nih Chinese Company 28 hna cu blacklist-ah a rak chia cang hna. Atu mah bantuk in 11 he cun 39 si cang lai tinak si. Cred-The Guardians

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor