USA ah Chinmi caah thawngtha tak tak; Trump vote tthan ding si ko cang hi

President Trump nih  USA a daw ning le rian a ttuan ning cu mah page ‘Chin page” ah fiangtein ka ttial cang. New York Post nih fakpi in a soisel hnuah ah, President Trump nih USA ram caah rian ka ttuan nak ah rawl einak ding caah suimilam minute 10 lawng ka hmang tawn.

Rawl ei lio ah minute 10 lawng ka hmang mi hi ka din caan cu si ko. Cun zan suimilam 12 hrawng ah a it tawn ning le zinglei suimilam 4/5 hrawngah a tho tthan lengmang ti amah le a rian ttuan hawi nih an chim mi zong fiangtein ka ttial cang.

Bureau of Labor Statistics nih Ningani ah a langter ning ah cun, June thla chungin US-ah rian a ngei lo mi million 4.8 nih rian an hmuh tthan tiah a langter. Mah ruangah USA unemployment rate cu 11.1% a si tthan tiah a chim

US-ah hin March thla thawk in Covid-19 rai ruangah chawlehnak vialte khar dih a si. Mah ruangah rian a ngei lo mi an tam ngai. Covid ruangah USA mipi rian a ngei lo mi hna hi millions 20 leng an si cang.

kum 1930-ah Great Recession ruangah rian a ngei lo mi nak in Covid ruangah USA ram chungah rian a ngei lo mi an tam deuh tiin mithiam le experts pawl nih an chim

Economist pawl nih an rak chim mi nak in rian angei mi an tam deuh tiah source nih a chim. Mah bantuk in rian a tam mi hi mak an ti ngai mi pakhat a si.

Tu cu restaurant, Bar le dawr dang dang onh tthan a si cang caah rian hi a tam thlumah cang. Mah bantuk in rian a tam lio ah zawtnak a ngei mi zong an kar chin lengmang ve i, Ningani ah mah zawtnak a ngei mi minung  55,274 leng an si.

USA ah hin Covid a ngei mi minung 28,37,189 an um cang i, minung 11,91,091 cu an dam tthan, Minung 1,31,485 an thi ve cang. Credit- FOX NEWS

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "USA ah Chinmi caah thawngtha tak tak; Trump vote tthan ding si ko cang hi"

Leave a comment

Your email address will not be published.


*