USA ah Juda/Israel um mi nih Trump an vun dirpi cang; An bia chim mi cu a dik tak tak

Pathian nih Abrahama hmangin arak thim mi, Israel nih mah bantuk in Trump an vun dirpi mi thawngpang vun thei ah cun zeitluk in dah a sunglawi i, hna a ngam.

An bia chim mi cu a dik tak tak ko, orthodox Jewish Community thawngpang tialtaawntu larngai mi Mishpacha nih cun thil a cang bal lo mi theiternak an vun tial, mah bantuk hi politic kongah a um bal lo mi ti khoh si.

American Rabbinical Leader a si mi le American Ultra Orthodox Jewry hruaitu Rabbi Shmuel Kamenetsky nih cun kum 2020 US President thimnak ah Donald Trump an support ti theiternak mipi sin ah an tuah cang.

Mishpacha tadin nih kawmnak a tuahnak ah atu lio America khualipi dang dang ah thil a cang mi pawl a hmuh ning mah ti hin fiangtein a chim. Tu lio US khualipi dang dang ah thil a cang mi hna cu tih nung tuk mi thil lawng te asi tiin a chim.

Rabbi Shmuel nih cun “US ah Secularism a karning cu a rang tuk cang i, Pathian he pehtlaihmi hmunhma le Pathian Biak inn tiah hrawh duh i mei in an khangh mi hna cu tih nung tuk mi thil a si cang.
America ah PATHIAN (GOD) cu fih nung le holh thalo langternak caah an hmang cang i, buu le buu i cawn piaknak hmun hna cu ral bantuk in a si cang.

Donald Trump nih November election ah teinak a hmuh lo ah cun US cu tih nung tuk cang lai tiin a chim.
Ka duh ning a cun mi vialte nih Trump hi Vote dih hna seh ti hi ka duh mi a si. Aruang cu US mipi caah rian a tuan mi zoh tikah thil tha lawngte a tuah tiin a chim

Shmuel Kamenetsky a hi Tamudical Yeshiva of Philadelphia a an hotu bik a si i, rabbinical advisory board of Agudath Israel of America ah member a si lio mi a si. USA election ah JEWS tam deuh nih DEMOCRATS an rak VOTE tawn,

natei kum tlawmpal a liam hnuah Orthodox Jewish Community singah Republican lei a dirmi le duhmi an kar thluamah i Pew Research Center nih Survey a langter ning a cun kum 2019 ah Orthodox Jews 91% nih Donald Trump a cu President caah tha an ti i 82% nih kum 2020 president election ah Donald Trump an vote lai ti fiangtein an chim cang tiah alangter. Credit-Mishpacha/Pew Research Center/Timesofisrael

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "USA ah Juda/Israel um mi nih Trump an vun dirpi cang; An bia chim mi cu a dik tak tak"

Leave a comment

Your email address will not be published.


*