USA ah um Chinmi caah cun President Trump bia chim mi hi ruahphu ngai a si. Chinmi hna ralrin hna u si

President Trump zong an soisel thangchiat tuk caah a sum duh ve ti lo i, fiangtein bia a chim lengmang ve cang. US President Donald Trump nih White House-Oval Office ah Reuters thawngthantu nih kawmnak a tuah i, Trump nih a chim mi cu, “November 2020 election ah ah China nih teinak ka hmuh lo ding mi hi an duh bik mi a si, atu lio zawtnak hmangin China nih amah President Trump cu an doh tiin a chim”

Election ah teinak ka ngah khawhlonak ding caah China nih coronavirus hmangin fakpi in a ka doh, keimah nakin Democrat presidential candidate Joe Biden cu President si seh tiah an duh tiin a chim

President Trump nih cun Covid-19 zawtnak cu China sin a ra mi a si, China thiltuah mi a si tiin a rak soisel cang i, WHO zong China centric tiah a rak ti cang i. WHO sin ah USA nih a rak bawmh tawn mi tangka 850 Million cu a phih piak cang. WHO cu China duh ning bantuk in rianttuantu a si i, Mah bantuk zawtnak ttihnung mi cu fiangtein chim duh loin China lei ah a dir caah lih le hrokkhawl in valwei ramkip singah thawngthannak a tuah. Trump nih Sino-USA Trade War kongah, China nih Joe Biden cu President si seh ti an duh bik, natein American mipi hna hi mihrut an si lo, zeipoah a theithiam ding mi an si cang. Joe Biden cu President caah an thimnak ding lam a um lo tiin a chim

Joe Biden nih a chimmi Trump nih november election cu Covid ruangah thial a tim tiah a rak chim mi cu, President Trump nih mah bantuk cu ka ruat bal lo mi thil a si. Joe Biden (Sleepy Joe) bantuk zuamcawh cu thil fawite a si, thil hartuk mi le ttih ding mi pakhat hman a um lo tiin a chim. Joe Biden hi Nancy Pelosi le Hillary Clinton nih an dirpi lai ti (Endorsed) an tuah cang i. Vawleicung theih ding in aluangcia zar ah khan an rak chim cang. USA politic cu angai nuam chin lengmang cang lai. Source-Reuters

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve caah thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo.

English ka rel mi le ka source hna hi a dang ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah ca zong ah ralrin tein ka source ka zohnak ding caah a si lai i cun thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "USA ah um Chinmi caah cun President Trump bia chim mi hi ruahphu ngai a si. Chinmi hna ralrin hna u si"

Leave a comment

Your email address will not be published.


*