USA ah um Chinmi kan thei ding mi; Sibawi thiam pahnih nih an chim cang

USA thawngpang a chia tak tak, ralrin tein um lo ah cun tih nung tuk cang. USA hi vawlei cungah super power ram bantuk in zoh mi a si caah le USA ah Chinmi tampi kan um caah ralrin tein kan um khawhnak ding caah mithiam pawl nih an chim mi

USA cu democracy a si, pumpak duh thimnak a si an ti i, mipi nawl an ngai lo tuk caah mah bantuk in a zawtmi zong an tam. Mithiam pawl zong nih zeitindah lam kan kawl lai tiah an lungrei a thei bak ve. Mipi nih meithal an ngei dih fawn a cheu ni lockdown a duh lo mi an rak um pa caah thawngpang a chia chin lengmang cang ko

Cornavirus ruangah USA ah a thimi dihlak  cu 139,174 an si cang. A dam tthan mi hi 1,600,910 an si. Ralrin tein um peng a her tinak si. Dr. Anthony Fauci, Infectious Disease expert nih a chim ning ah cun, tu lio USA ah Covid a ngei tambik state hna hi mipi nawl angai lo mi, mah le duh poah in a um mi hna an si tiah a chim.

Florida Atlantic University ah Dr Kerry nih a chim ning ah cun tu bantuk in kan um tuk ning hi cu mei akang thluamah mi ah datsi (Petrol) toi bantuk a si tiin a chim. Kan um tuk ning hi cu kan kal lonak ding lam ah kan kal bantuk a si caah ralrin tein tu bantuk kan um ning hi cu thleng a hau tiah a chim

Florida ah siizung 151 ah ICU room chungah ihkhung an chia mi hna cu a khat dih cang. florida governor Ronald Dion DeSantis nih tih ding a um lo tiah mipi hna hnangam tein an um khawhnak ding caah a chim

USA ram chungah thawngpang a chia biknak state New york lei cu thawngpang a tha thluamah cang i, Natein September hlan cu state chungah mi tampi he um tinak tuah lo ding in nawl an chuah cang. Credit- Foxnews

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor