USA ah um Chinmi nih Coronavirus kongah thei her tuk mi. Dr. Cho nih a chim mi pawl

Covid-19 zawtnak kong ah siaherh bia.. Pakhat le pakhat zawtnak cu a phun a dang ko lai, nain a fianmi cu ahodah ruhkhuafah hrawng lawngin azaw lai, ahodah chun he zaan he khuh khuh in azaw lai, ahodah a hromfak in azaw lai , ahodah thawtnak rim theih loin azaw lai timi theih asi lo. Mah duh bangin zawtning kongah a phun ithim khawh asi lo. Cun ahodah thla khat tiang azaw lai, ahodah zeihmanh zawtnak lang loin a um lai timi zong theihcia khawh asi lo.

Nai Dr. Cho he tonbiaruahnak ah a chimmi bia tampi telhin ka vun tial ta duh… Pakhatnak ah hi zawtnak in kan innnchungkhar ah minung pakhat khat a zawt sual ahcun khan dang tein umter ding asi– umter khawhnak khan a um ahcun. A zawtu zong siseh, amah a zoh khenhtu zong siseh hmaihuh ihuh ding asi. Thianhhlimh tein um ding, zawtnak rungrul a um khawhnak pawl cu ti le chatpia in hnawh siloah tawl ding. Zawtnak rungrul thahnak ti hna a um ahcun a tha chinchin. Ni (10) tiang hrawng asi hnu ah zawtnak chek than i negative a piah ahcun khan dang te ah um a hau ti lo.

Pahnihnak ah hi zawtnak in a zawmi hna nih ruhkhuafah le taklinh asi ahcun Tylenol lawng din ding , khuh khuh siloah ihngilh khawh lo asi ahcun siibawi catial piak hau loin icawk khawh asimi sii icawk ding. Pathumnak ah ti tampi din piakding. Thazaang thawngnak caah rawl pawl abikin a thormi , khuaitizu tibantuk ei din piakding.

Palinak ah negative ka si cang, mi nih an ka chawnh kho ti lai lo tiin um lo ding. Chawnh khawhmi lam zeimawzat te cu a um rih caah iralrin thiam ding. Panganak ah hi Covid-19 nih hin thianhhlimh a tih. Cun pakhat le pakhat neihniam tein um khi a duh tuk mi asi ve hoi.

Adonghnak ah mitam umnak ah kal tuk rih hlah uh, riantuan awk a tha lomi hna nih hmaihuh ihuh bak ding le atu le atu kut tawl ding. Zawtnak rungrul thahnak chatpia ( hand sanitizer ) hi a leng chuah paoh ah iput i kut thianhhlimh pah lengmang ding.

Riantuan tin hnu siloah a leng chuah i inn ah rak tin hnu paoh ah ti i kholh ding asi. Hihi ngandamnak lei siibawi le sii sayamah hna nih an tuah lengmang asi. Nai Covid-19 zawtnak cheknak ah ka va bawmh hna i a dih bak ah ti lum tein tha tein tak vai kholh te tiin bia an kan cah ve.Hihi abiapi ngaimi asi.

Covid-19 zawtnak a karh lo nakhnga kan umkalnak paoh ah hmaihuh ihuh hna usih, kut atu le atu i tawl lengmang hna usih.

Hi zawtnak hi a zungzal in hnahnawhnak a kan pe lai lo. A rau hlan ah damnak sii le kakuaise an hmuh te ko lai. Caan karlak ah thinsau le siibawite hna nih iralrin ding tete a kan timi pawl tuah le zulh hi atha bik kan tuah khawh mi asi. Credit- Salai ZT Lian

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor