USA ah um Chinmi ralrin peng ko hna u sih; Zahan Suimilam 24 ah 2569 an thi tthan, Thi tambik record a si: President Trump nih bia a chim

USA cu nikhat chungah a thimi an tam tak tak ko ee!! US mipi nawl an ngaih lo ning hi cu a mak tak tak, mah bantuk in a thimi an tam ko bu in lengah an chuak i, a cheu cu mask zong hmang duh loin an um ko. Mah bantuk in thimi an tam lio ah Chinmi tampi cu rian an ttuan peng i, minung hi zeibantuk in rum ko hna hman u sih law, kan nunnak hi a dih ah cun tangka pawl hna cu zeihman a si lo.

I ralrin chinhin han su si. USA cu zaangfah a si tak tak cang, a thimi an karh thluamah cang i, rian ttuantu pawl zawng mitthli he an um ko cang. USA dirhmun hi a chia chinchin lengmang caah ralrin lo ah cun mah zawtnak hi fawitein chonh khawh a si caah i ralrin hi sii tha bik a si ko atu dirhmun ah cun

US-ah COVID-19 zawtnak ruangah mi 28,554 an thi cang. A damlo mi hi 644,348 an phan cang. USA caah cun khuaci a mui tak tak. A tu dirhmun zoh ah cun mah zawtnak ruangah USA mipi a thi ding mi minung cu a tlawmbik ah 240000 hrawng cu an thi lai tiah zum a si. Zahan suimilam 24 chung ah minung 2569 bak an thi.  Mah hi atu coronavirus zawtnak in nikhat ah a thi tambik record a si. President Trump nih a tu hi cu a thimi an tlawm thluamah cang lai. Peaks day cu a dih cang caah May nikhat thawk in rian thatein ttuan khawh a si cang lai tiah a chim

China nih Coronavirus ruangah a zawtmi le a thimi data thatein a langter duh lo, vawlei ramkip nih an soisel, WHO nih China nawl a ngei i, Coronavirus hi minung le minung i chonh khawh a si lo tiah a si, cun President Trump nih China banned a tuah mi kongah WHO Director nih Trump cu fakpi in a soisel. Trump nih WHO thil tuah mi cu a dik mi a si lo, WHO hi China tangah a um.

China a dirkamtuk caah China zong nih WHO bia le hla hmangin USA fakpi in a phomh, Cun WHO Director Tedros nih USA cu na ram chungah tampi an thi na duh lo ah cun daitein um cang tiin USA cu fakpi in a phomh, President Trump nih a celh ti lo caah WHO sin ah tangka tampi a bomh ton mi cu pek ti loding in ati cang.

Be the first to comment on "USA ah um Chinmi ralrin peng ko hna u sih; Zahan Suimilam 24 ah 2569 an thi tthan, Thi tambik record a si: President Trump nih bia a chim"

Leave a comment

Your email address will not be published.


*