USA ah um Chinmi ralrin tein um hna u si: New York ah Nazi 24 ah minung 1000 an thi tthan

Zumtu hna nih Pathian hmai kan kawl caan a si. Pathian kut lawng ah kan nunnak hi a um cang. Minung thiamnak le fimnak lei cung zeihman tuah khawh a si ti lo. Kan vawlei kong cu thawngpang tha lei ttian ding um ti lo, thinak le zawtnak kong longte si ko. A ttialtu le reltu caah zong ttial le rel nuam lo ngai mi thawngpang lawngte si. Thawngpang si caah a reltu zong nih a rel zia thiam i zuam hna u si. Vawlei ramkip nih kan tonh lio mi thil a si caah, kan theiherh ve mi thawngpang a si fawn

UK ah suimilam 24 chungin minung 708 an thi, mithi lakah a hngakchia bik cu kum 5 mi a si. Hngakchia zong nih an thipi tluamah ve caah kan fa le hngakchai thatein zohkhen hi kan rian a si. A si kho ah cun fa le cu leng chuak  pi lo ding.

USA ah mah zawtnak ruangah suimilam 24 chungin 1000 nih an thipi cang i, Atu USA dirhmun kan zoh ah cun 311,635 an zawt cang i, a thimi hi 8,454 an phan cang.USA ramah mah bantuk in a zawtmi an tamnak ruang le a thimi an tamnak ruangah sibawi hna zong nih mak an ti ngai mi a si. USA cu test mi an tam caah a si hlei ah nawlh an ngai lotuk caah pakhat a si.

Social distance tuah dingin an rak phuan hnuah party, Beach, Concert ti pawl atamtuk caah mah ka caan te ah khan mi tampi nih mah zawtnak hi an chonh hman cang i, Atu a thi tambik nak state 10 hna hi an chim ning ah cun USA ram state ah cun Pathian zum lotu tamnak state le, nauhrawh, nu le nu, pa le pa, Pathian duh lo bantuk in a um mi an tam tuk caah ti a si.

Be the first to comment on "USA ah um Chinmi ralrin tein um hna u si: New York ah Nazi 24 ah minung 1000 an thi tthan"

Leave a comment

Your email address will not be published.


*