USA Chinmi caah ttih nung tuk ko cang; Na i ralrin lo ah cun a poi tak tak cang lai hi

US-ah COVID-19 zawtnak ruangah mi 22,115 an thi cang. A damlo mi hi 560,433 an phan cang. USA caah cun khuaci a mui tak tak. A tu dirhmun zoh ah cun mah zawtnak ruangah USA mipi a thi ding mi minung cu a tlawmbik ah 240000 hrawng cu an thi lai tiah zum a si. Atu hi New York khuapi ah minung 189,415 nih mah zawtnak hi an ngei cang i, a thimi dihlak in 9385 an phan cang. State dang zong a zawtmi le thimi an tam ve tuk cang i, nifatin an kar thluamah

Covid-19 zawtnak le DFW area Laimi riantuannak company cheukhat thawngpang…Tuzarh ninga ni ah khan Western Extrusions (Carrollton ) ah Covid-19 zawtnak a ngeimi an hmuh tiin email a ka kuatu nih a ka thanh. A min cu kan thanh kho hna lo nain zumh tlak minung bak a si. Mah company riantuantu minung pahnih sinah thawngpang hlah hnu ah email in thawngpang a ka pekmi hi a hmanmi a si ko tiin fianternak kan rak tuah hna.

Nai zongah khan Laimi tampi tuannak Kraft foods company (Garland, TX) ah riantuanmi pakhat cu Covid-19 zawtnak an hmuh ve ti a si. Covid-19 zawtnak hi kan kiangkam a phanh cuahmah ve cang caah iralring thiam taktak le humhimnak caah hma biatak tein lak kan hau cang.

Laimi tampi tuannak a si caah ahleice in iralring thiam kan hau,abikin ngandamnak tha lomi le tar ngeimi hna ca hrim ah iralring taktak kan hau. A herh lo ah i lengkai lo ding, kut tha tein i tawl pah lengmang ding a si lai.

Cun, na thawchuah na harh, na khuh na khuh ,na tak a linh le na hrom a fak ahcun Covid-19 zawtnak na ngei maw/ lo tin na chek ah a tha. Na cheknak thawngin nangmah le nangmah ihumhim lawng silloin na innchungkhar le na kiangkam zong hi zawtnak in na luatter khawh hna. Cucaah Covid-19 zawtnak phun hna na pumsa cungah a lang sual ahcun zangfahnak tein vai chek hrim teh.

State dangah rianttuannak company zong mah bantuk in a si cang, rianttuantu tampi mah zawtnak an ngei cang caah ralrin tein um a tha, a sikho ah cun rian ttuanti lo in inn ah um kha a tha bik, a tu dirhmun zoh ah cun tangka kawlnak caan zong a si ti lo, zeitin keimah le ka chungkhar kan him lai ti kha ruat caan a si acang

Be the first to comment on "USA Chinmi caah ttih nung tuk ko cang; Na i ralrin lo ah cun a poi tak tak cang lai hi"

Leave a comment

Your email address will not be published.


*