USA Chinmi chungin Coronavirus zawtnak a ngei mi minung 5 an si cang; An umnak State le an dam tthan khawhnak ding caah thla fakpi cam piak hna u si

USA cu coronavirus a ngei mi an tam tuk caah Chinmi tampi zong kan him ti lo, Pakhat nih mual a kan liam tak cang i, a tu hi Coronavirus in a damlo mi panga theih an si cang. Pahnih hna hi DC ah an um i, pakhat hi Battle Creek ah a um i unau pahnih hna hi Indianapolish ah an um. Atu hi an dihlak in home quarantine in an um lio ah si. An dam tthan khawhnak ding caah fakpi in thlacam piak hna u si.

US-ah COVID-19 zawtnak ruangah mi 34,641 an thi cang. A damlo mi hi 678,210 an phan cang. Zahan suimilam 24 chung ah minung 4591 bak an thi tthan. Mah hi atu coronavirus zawtnak in nikhat ah a thi tambik record a si.

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve caah thawngpang a dik lo mi ttial ka duh lo. Hoax/Rumor/Fake ti bantuk hi ttial ka tim lo. English ka rel mi hi thatein source dang ka zoh hnuah mah hi cu a hman mi a si lai tiah ka ti mi hi hna hi ka miphun a si mi “Chin mi” caah ka ttial tawn. Natein vawlei cung cu tlamtlinglonak a si caah Source ka lak mi ah a hman lo mi a um ti nan theih ah cun zeitik caan poah ka theihterh ulaw keimah zong nih ralrinnak caah a si lai i cun thawngpang a hman mi le dik mi ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "USA Chinmi chungin Coronavirus zawtnak a ngei mi minung 5 an si cang; An umnak State le an dam tthan khawhnak ding caah thla fakpi cam piak hna u si"

Leave a comment

Your email address will not be published.


*