USA Chinmi ralrin chinchin hna u si: Suimilam 24 ah minung 2228 bak an thi. President Trump nih thilmak a tuah hoi cang

US mipi nawl an ngaih lo ning hi cu a mak tak tak, mah bantuk in a thimi an tam ko bu in lengah an chuak i, a cheu cu mask zong hmang duh loin an um ko. Mah bantuk in thimi an tam lio ah Chinmi tampi cu rian an ttuan peng i, minung hi zeibantuk in rum ko hna hman u sih law, kan nunnak hi a dih ah cun tangka pawl hna cu zeihman a si lo.

I ralrin chinhin han su si. USA cu zaangfah a si tak tak cang, a thimi an karh thluamah cang i, rian ttuantu pawl zawng mitthli he an um ko cang. USA dirhmun hi a chia chinchin lengmang caah ralrin lo ah cun mah zawtnak hi fawitein chonh khawh a si caah i ralrin hi sii tha bik a si ko atu dirhmun ah cun

US-ah COVID-19 zawtnak ruangah mi 26,064 an thi cang. A damlo mi hi 614,246 an phan cang. USA caah cun khuaci a mui tak tak. A tu dirhmun zoh ah cun mah zawtnak ruangah USA mipi a thi ding mi minung cu a tlawmbik ah 240000 hrawng cu an thi lai tiah zum a si. Zahan suimilam 24 chung ah minung 2018 bak an thi. April ni 13 ah nikhat (suimilam 24) ah minung 2228 an thi. Mah hi atu coronavirus zawtnak in nikhat ah a thi tambik record a si

China nih Coronavirus ruangah a zawtmi le a thimi data thatein a langter duh lo, vawlei ramkip nih an soisel, WHO nih China nawl a ngei i, Coronavirus hi minung le minung i chonh khawh a si lo tiah a si, cun President Trump nih China banned a tuah mi kongah WHO Director nih Trump cu fakpi in a soisel. Trump nih WHO thil tuah mi cu a dik mi a si lo, WHO hi China tangah a um.

China a dirkamtuk caah China zong nih WHO bia le hla hmangin USA fakpi in a phomh, Cun WHO Director Tedros nih USA cu na ram chungah tampi an thi na duh lo ah cun daitein um cang tiin USA cu fakpi in a phomh, President Trump nih a celh ti lo caah WHO sin ah tangka tampi a bomh ton mi cu pek ti loding in ati cang.

 

Be the first to comment on "USA Chinmi ralrin chinchin hna u si: Suimilam 24 ah minung 2228 bak an thi. President Trump nih thilmak a tuah hoi cang"

Leave a comment

Your email address will not be published.


*