USA le China cu an nih phomh tak tak cang ko. China nih USA cu a tih bak lo hi ta?

USA le China hi vawlei cung ramkip ah Economy lei si seh, hriamnam lei si seh, a thawngbik ram an si caah USA le China an buai ah cun ramdang zong nih economy lei ah fakpi in buainak a tawn peng. Coronavirus ruangah USA a buai tuk caah USA nih China cu a zoh sawh sawh duh ti lo i, mah zawnak hi China in a thawk mi a si tiah fakpi in china cu a phomh i, China nih thatein mah kawngah ramdang sin ah theiternak a tuah lo caah USA nih China cu lih le hrokhrawl hmang mi tiah a pu caah China nih a duh lo tuk ruangah USA thawngthangtu hna cu China ram chungah um a siang ti lo

American Journalist 12 cu China nih an ram chungah um a siang ti lo caah a rang khoh in China chuahtak ding in a ti caah USA nih China Journalist hna cu an Visa a phih piak ve hna. Mah kongah China nih USA cu ni 11 May ah phuhlamnak a tuah ve cawlh

American Journalist pawl cungah China nih a tuah bantuk in Home Land Security Department nih China Journalist pawl hna cu America ram chungah ni 90 lawng um ding in biakhianak a tuah piak hna. America ram chungah um an duh tthan ah cun halnak an tuah tthan lai tiah bia khianak a tuah piak hna.

Zhao Lijian, China External Affair Spokesperson nih press Conference ah a chim ning ah cun, “America nih a thil tuah ning le mi ram cungah mah bantuk lungput a ngei mi hi a thleng a hau cang. Mah bantuk in China cungah thil a tuah peng i, China hi politik hmangin vawlei cungin hlawt a tim caah a cungah fakpi in phuhlamnak kan tuah lai” tiin a chim

America nih a tuah mi thalo mi vialte hi i thei seh, mah bantuk in tuah ti lo in um seh law, Cu ti a si lo ah cun China nih USA cungah phuhlamnak a tuah lo ah cun thil tuah ding mi zeihman kan ngei lo tiin Zhoa nih a chim. Zeibantuk dantatnak maw an tuah lai ti cu fiangtein a chim lo.

Febuary thla ah khan Coronavirus kongah fakpi in China an soisel ning cu Wall Street Journal ah an ttial caah America Journalist pathum hna cu China ram chung in a thawlh hna. Mah bantuk in China nih USA Journalist cungah thil a tuah caah USA zong nih China Journalist cungah ni 90 lawng an Visa a nunternak ruang hi a si. Mah bantuk in China Journalist Visa pawl USA nih a phih piak mi cu China nih phuhlamnak kan tuah ve hrim lai ttin an chimnak cu a si. Credit- VOA

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor