USA mipi caah thawngtha bak si ko hoi cang. chungkhar pakhat sin ah tangka bomh ding mi zat

American Mizaraan Chungkhar pawl $2,170 Bomhnak Pek Than an Si lai.. Tutan i chungkhar pakhat ah $2,170 bomhnak pek than dingin an timh mi hi, avoikhatnak bomhnak an pek lio nakin $400 lenglo an chap than, tinak a si. Avoihnihnak bomhnak pek dingin khua an khaanmi a tak in an tuah a si ko ah cun, avoikhatnak bomhnak an hmuhmi nakin a vun tamdeuh cang lai, tiah American Enterprise Institute nih survey an tuahmi nih a laughter.

Coronavirus a tluk lio ah harnak a tongbikmi mipi pawl bomhnak dingah, tiin the HeROES, asiloah Health and Economic Recovery Omnibus Emergency Solutions, Act nih $3 trillion bak a tuak. Tutan i cash in bomhnak pek dingmi hna hi avoikhatnak bomhnak pek lio i hrelh deuh a si mi, hngakchia le rian tlailo nu le pa (dependents) pawl hi an i hmaithlak hna lai. Cu ruangah an phaisa a zat zong an chamhnak hi a si.

Coronavirus Aid, Relief and Economic Security, or CARES, Act nih avoihkhatnak bomhnak an rak pek lio ah khan American citizen a si ko mi tamtuk an hrelh hna, tiin thangchiat an tong ngai. Bianabia ah, avoikhatnak bomhnak an pek lio ah khan hngakchia kum 17 tang lawng $500 an pek hna i, high school a kaimi upadeuh pawl cu bomhnak an tingco kho ve ti lo.

US khuasa chungkhar tamdeuh pi sinah bomhnak avoihnihnak phaakter kho dingin, May lio i the House nih a ceihmi bomhnak kong cu HEROES Act nih a takin bomhnak nawl a vun chuah chom ding khi a si.

Cu bomhnak kong cu Senate ah an i ceih lio pi a si. Tu thla awtka hrawng tein khan avoihnihnak bomhnak kan tawlrel cuahmah, tiin Trump a cozah nih a chim. Income tlawmte lawng a ngeimi ko hi an dirhmun a chiakha khun

A hlei in bomhnak phaisa kan hal rih lai, tiah Trump nih a chim. A ra than dingmi bomhnak hi cu a tam taktak te lai, tiin Trump i a economic adviser Kevin Hassett nih June awtka hrawngah khan Wall Street Journal ah a chim. Bomhnak an pek hmansat lio zongah khan a cheukhat mipeem pawl le American nu le va tampi nan hrelh hna, tiin Trump a cozah cu biahri tirh an tong len.

$12,200 nak tlawngdeuh lawng a income a si ko nain, Tax a File lo mi cu tutan avoihnihnak bomhnak pek tikah hrelh an si lai. Cucaah, Tax system ning zoh tikah cun, income zalak in a ngei kho le lo mi an tam ngaingai. Minung 12 millions hrawng an um, ti si. Tutan bomhnak a tingcho lo dirhmun a phan dingmi income tlawmte lawng ai ngeihmi pawl hi minak le Hispanic ko an si hna.

Upadi (law) ningah cun, income $12,200 nak tlawm deuh lawng a ngei mi cu zei bantuk tax hmanh file an hau lo i, nupi pasal a ngei mi ko hi an si khun hna. Cu hna pawl ko cu tutan bomhnak a hmu kho lo ding an si hna. US ah a ummi tam u hi cu bomhnak an hmuh ngawt ko nain, income a tlawmmi hna belte cu bomhnak hmuh an duh ve ko ah cun October 15 hlan ah Internal Revenue Service ah ca an tial a hau lai.

Hi hna pawl hi IRS system ah a ummi an si ve lo caah, online i ‘non-filer’ form hi an phih a hau lai. Cucu form cu bomhnak kong i agency nih a sermi a si. Tutiang i cu form a phihtu pawl hi 4 million an um cang, tiah House Ways and Means COmmittee nih an chim.

Tutan phaisa bomhnak hi hmuh awk ah ai tlakmi paoh nih an tinco khawh ve nak hnga, nan state chung minung pawl thatein thawng thanh khawh vun i zuam hna u, tiin Center on Budget and Policy Priorities nih states pawl an cah hna. Source- The Sun, Credit-Chelsea Bawi

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "USA mipi caah thawngtha bak si ko hoi cang. chungkhar pakhat sin ah tangka bomh ding mi zat"

Leave a comment

Your email address will not be published.


*