USA mipi khamtu an ti mi; Republican nih cohlan seh President Trump zong nih min thutnak tuah hram seh law

Democratic party nih Coronavirus relief bill $3 trillion an chuahpi mi cu House ah an pass cang. House ah palai meting kaimi 407 chungah Vote 208-199 in an pass. Mah bill hi HEROES Act ti zongah auhmi a si. Atu an chuahpi mi bill ah hin a chuah pitu democrats minung 14 le Independent pakhat nih duh lo lei ah vote an thlak ve. Republican minung pakhat duh lei ah vote a tlak ve.

Atu an pass mi bill cu Senate ah an chuahpi lai i, Senate nih an pass lawngah a nung dingmi a si. Cu hmanh ah President Trump nih minsen thut a hau rih lai. Senate ah hin Republican party an tam. Democrats nih Republican party chimh chawn hmasa loin an chuahpi mi a si caah fawi teiin Republican nih an cohlang kho lai lo. Republican party nih stimulus voikhat tuah a si cang i, minung pakhat $1200 cio le ngakchia minung pakhat ah $500 cio pek a si cang.

Small business caah PPP timi bawmhnak pek a si cang. Industry company nganpi pi caah billion in a bawmh cang hna. Rian ngei lomi caah thlakhat ah $600 le unemployment benefit pek a si cang caah tutan bawmhnak hi senate nih an cohlan lai ka zum lo. Democrats party nih November thimnak caah mipi lemsoi nak caah an tuahmi a si lai tiah an zumh cio.

Tutan an chuahpi mi an pass khawh ahcun 3 trillion chung ah 1 trillion cu State, city le local government, essential worker le stimulus check caah hman a si lai an ti. Nupi/va ngei lomi minung pakhat ah $1200 a si rih lai. Inchungkhar khuasa mi fale pathum tiang caah $6000 pek a si lai. In ngeimi mortgages le Inn hlangmi inn man caah $ 175 billion hman a si lai. US$ 75 billion cu virus testing tuahnak caah hman a si lai. Credit- Salai Lairamthang

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "USA mipi khamtu an ti mi; Republican nih cohlan seh President Trump zong nih min thutnak tuah hram seh law"

Leave a comment

Your email address will not be published.


*