USA nih China companies 33 le Sianginn tampi dantatnak a tuah hnuah Chinese Siang hngakchia cungah fakpi in dantatnak a tuah than hoi lai

China hrokhrawl le lih chim tuk ruangah USA nih ceilak in a phomh thluamah cang ko hi. USA nih China companies 33 le Sianginn tampi cungah dantatnak a tuah ti mah Chinpage ah kan ttial cang. Atu hi siang hngakchia pawl cungah dantatnak a kalpi tthan lai

“US Nih Tuluk Dantat Lai.. Tuluk ram in US ah sianginn a kaimi lak ah micheu khat cu Tuluk communist ralkap pawl he an pehtlai mi siangngakchia tampi an um ti a si. Mah pawl nih cun Tuluk cozah caah a thi tein US cozah ngiatthlainak an tuah lawng si loin information tampi an fir i Tuluk cozah an pek lengmang ti a si. Mah bantuk siangngakchia pawl cu atu hi biatak tein an chek lio hna a si i, Tuluk cozah le Tuluk ralkap he a pehtlaimi siangngakchia paohpoah cu student visa pek ciami vialte kan hnon dih lai tiah US ramdang lei vuanci Mike Pompeo nih nizan ah a chim.

New York Time nih nizan ah Mike Pompeo le President Donald Trump cu mah kong ceihhmainak an ngei tiah a tial. US ah hin Tuluk ram in siangngakchia minung 360000 renglo sianginn an kai, mah chungah Tuluk ralkap he a pehtliami minung 3000 hrawng um dawh an si. The F.B.I. le the Justice Department zong nih US universities pawl cu Tuluk siangngakchia pawl i ralrin ding in nawl a pek hna.

Mah dantat nak hi Coronavirus ruang lawngah si loin Tuluk cozah nih Hong Kong ah national security legislation timi phungthar an ser i, Tuluk cozah le ralkap nih Hong Kong ah an duhning in nawlngiehnak an hman khawh cang lai caah atu bantuk in US nih dantatnak a tuahmi a si. Credit- Salai Lairamthang

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial duh lo bik a si.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si. Source ka lak mi a hman lo ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah  le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "USA nih China companies 33 le Sianginn tampi dantatnak a tuah hnuah Chinese Siang hngakchia cungah fakpi in dantatnak a tuah than hoi lai"

Leave a comment

Your email address will not be published.


*