USA nih China cu ceilak in dan a tat hoi cang; China cu a cei tak tak ko

USA lawng hi China dan tat ngam mi a si, Vawlei cungah China super power si a tim ning ka ttial cang. Mah kong hi Secretary State of USA Mike Pompeo nih a chim mi a si. USA nih China kong a chim mi cu a dik lengmang ko cang.

South China sea ah 100% ngawl ngei a tim ruangah South China sea cu a buai tuk lio a si. USA nih hriamnam tha tha hmangin South China seas ah duty a ngei peng lio a si fawn. China nih USA cu ka tih lo ti bantuk in ralring tein raltuk khawh ding in a um cang

USA le China karlakah buainak cu a zual chin lengmang cang. Tu nai ah khan China Media 11 cu USA nih foreign Mission bantuk in ka zoh cang lai tiah biakhianak a tuah

Mah Media pawl hna hi China cozah tangka a um mi, China cozah duh ning bantuk in rian a ttuan mi. China cozah nih a control mi an si tiah a chim. Media nih cun zalawng tein bia chim le phuan kha a riang a si, natein Mah media pawl hna hi cu Media phunglam loin an mah tein nawl an ngei lo i, China cozah tangah rian ttuan mi an si tiah USA nih a chim

Mah bantuk in Foreign Embassy bantuk ah cohlan an si cang ko natein, a cungah zeibantuk in USA nih a tuah lai ti cu fiangtein a chim lo i, natein Media ah rian ttuan mi, USA ram chungah um mi pawl hna cu USA cozah nih embassy rian ttuantu pawl a zohkhen ning bantuk in zohkhen an si cang lai. Embassy nih phunglam a zulh bantuk in mah Media pawl nih hin an zulh ve cang lai tinak a si.

Mah China Media 11 USA nih dan a tat mi hna hi an min vialte USA cozah sin ah ap a si ve cang lai i, Media rian ttuantu pawl an nih thleng duh ah cun USA cozah sin ah an thei ter hmasak lengmang cang lai.

Mah bantuk in thil tuah hi USA nih a timnak a rak sau cang i, Natein Media Freedom zei rel lo le bantuk ah thil tuah ah USA cu puh khoh a si lai caah a sum peng. Natein covid hnuah USA le China boruak cu a chia tuk caah USA a sum kho ti lo caah mah bantuk in China cungah dantatnak a tuah mi a si

Mah Media pawl, USA nih dan tatnak a tuah mi hna cu China Central TV, China News Service, The People’s Daily, The Global Times, Xinhua, News Agency, China Global TV Network (CGTN), China Radio International, China Daily Distribution Corporation, Haitian Development USA,hna an si. Mah bantuk in USA nih China media pawl cungah thil a tuah caah China cu a thinhung tak tak i, a celh bak lo. Credit-JTCN

Note: Ka thawngpang (tadin) ttial a rel mi vialte cungah lunglawmnak tampi ka ngei. Ka thawngpang ttialmi nan kan rel piak ruangah keimah zong tangka ka hmuh ve i, chungkhar zong ka zohkhen kho ve hna. Nangmah nih thawngin chungkhar ka zohkhen khawh ve ti ka thei caah thawngpang a dik lo mi ttial ka duh lo i ka tim lo. Hoax/Rumor/Fake ti bantuk hi ttial ka tim lo.

Thawngpang ka rel mi le mi dang nih an ttial mi credit ka pek mi hna hi source a hman mi a si maw ti ka zoh hnuah mah hi cu a hman mi a si lai tiah ka ti mi hna hi ka miphun a si mi “Chinmi” caah ka ttial tawn i ka credit tawn. Natein vawlei cung cu tlamtlinglonak ram a si caah ralrin tein ka ttial zong ah Source ka lak mi ah a hman lo mi a um kho mi a si.

Source ka lak mi, a hman lo mi a um ti nan theih ah cun zeitik caan poah ka theihterh kho ulaw, cun keimah ca zong ah ralrinnak a ka pektuk a si hlei ah ka source kha thatein ka zoh nak ding a si lai caah le  thawngpang a hman mi le dik mi lawng ka thla peng khawhnak ding caah tiin zaangfah kan nih hal hna-Chingpage Editor

Be the first to comment on "USA nih China cu ceilak in dan a tat hoi cang; China cu a cei tak tak ko"

Leave a comment

Your email address will not be published.


*