USA President Donald Trump nih India PM. Modi sinah zaangfah a hal cang. Hawikom tha an si i, zeidah law te lai

“Economic Times” nih fiangtein a ttial cang. USA nih coronavirus cu a celh bak ti lo. Hawikom tha an si i, Trump nih Modi zaangfah a nawlh nak hi zeidah law lai?. Mr. President USA nih Prime Minister Narendra Modi sin ah malaria sii mu Hydroxychloroquine cu Coronavirus ruangah USA ah a zawtmi an tam chin lengmang caah a zawtmi zohkhennak ding caah USA cawkterh ding in zaangfah a hal cang

Aruang cu Prime Minister Narendra Modi nih India ram chungah khuasi zohkhennak si Hydroxychloroquine cu ramdang ah zuar lo in nawlh a chuah caah a si. Hydroxychlorouine hi coronavirus zawtnak zohkhennak caah atu dirhmun ah cun sii tha bik a si caah si. Mah bantuk in India nih sii ramdang ah zuar a siang lo mi cu President Trump nih Coronavirus zawtmi USA minung ka zohkhennak ding caah ka cawk te hram tiin Modi cu a chawn.

Mah kongah amah President Trump nih India lei ai zarte ni, India lei ah ninga zan lei ah Modi hi a rak chawn ti fiangternak a tuah mi a si. Hydroxychloroquine hi sii malaria zohkhennak caah sii thatuk mi le man tlawm ngai mi a si. Amah Trump nih a chim ning ah cun “Prime Minister Modi cu ka chawn i, Hydroxychloroquine tampi an serh i, India nih mah bantuk in bawmh kan halnak hi biapi ngai ah a kan chia piak” tiin nifatin News Conference White House a tuahnak USA ningani zanglei ah a chim

India ram Directorate General of Foreign Trade nih cun April 4 ah Hydrochloroquine ramdang ah kuat le zuar sianglonak ding ah company sin ah theihterhnak a tuah. Trump nih a chim ning ah cun mah bantuk dirhmun kan phan cang caah India sin ah halnak kan tuah mi bantuk in an kan bawmh khawh ah cun lunglawmnak tampi an cungah kan ngei lai tiin a chim. Natein zeizat India company sin ah an hal ti mi cu a langterh lo.

USA ah coronavirus ruangah a zawtmi hi minung 311,637 an phan cang i, a thimi zat hi 8,454 an si cang. USA cozah cu a lungretheih tak tak cang i, Mah Hydroxychloroquine hi The India Council of Medical Research (ICMR) nih Coronavirus in a zawtmi zohkhennak ding caah a pawm mi a si

The Indian Council of Medical Research (ICMR)  recommended the anti-malarial drug for those involved in the care of suspected or confirmed cases of the Coronavirus. Source : Economic Times