USA thawngpang a tha kho hrim lo, rian an thawk cang, Mipi thinphan le thlalau in an um ko; Trump nih Georgia state ralrinnak a pek

 

   Tu tiangah US ah a thimi, minung 54248 an si. Ni hnih chungah minung 4005 an thi. A zawmi 960525 an phan. Ni hnih chungah a zawmi, 73816 an i chap. April ni 14 US peak August thla thawk tiang ahcun minung 60000 renglo cu an thi kho tiah ruah a si. Tutiang ah zawtnak a chek cangmi mi 5 llion renglo an si cang. Minute 15 a raumi, Virus testnak thilri a um cang caah nifatin minung a sing in an chek khawh hna. Antibody testnak zong New York ahcun an tuah cang.

Nizan tiangah adam thanmi, 118162 an si. Ni hnih chungah a dam thanmi minung 32240 an si. New York khua lawngah ni hnih chungah minung 1047 an thi New York khua pakhat lawng i a thimi minung hi US ram pumpi a thimi 40% tluk a si.

State 17 on hram an thawk. Pennsylvania, Virginia le Vermont ahcun an renghmi phung dinhdorh an tuah cang. Arkansas, Iowa, Nebraska, North Dakota, South Dakota, Utah, Wyoming ahcun stay at home an tuah ti lo. Oklahoma, Colorado, Georgia, South Carolina, Tennessee and Texas ahcun a cheu bang in on hram an thawk.

State tam deuh cu White House Coronavirus Task Force hna nih an tuahmi guideline phase one in an thawk. Asinain Georgia nih phase one nak sang in on an timh caah President Donald Trump nih spa, salon, tattoo dawr le sanmehnak dawr pawl cu on rih lo dingah ralrinnak a pek hna. Chicago, Boston le Philadelphia atu lio ahcun a zual biknak, hot spot an si. Tu thla dih cun state tam nawn nih on an timh. Kanmah umnak Maryland zong May thla thawk in cun zeimawzet on dawh a si.- Salai Lairamthang

Be the first to comment on "USA thawngpang a tha kho hrim lo, rian an thawk cang, Mipi thinphan le thlalau in an um ko; Trump nih Georgia state ralrinnak a pek"

Leave a comment

Your email address will not be published.


*